[A:395] rnam pa skad cig la bsdus te sku la bstim pa sogs kyi ngo mtshar ba'i spro bsdu mchog gi mtshar bkod dang | tshul de 'dra'i sgo nas rigs drug gi 'gro khams ches mang po dag pa mkha' spyod du skad cig la 'dren pa'i mdzad sgo ya mtshan pa dang | bar 'ga' bla ma nyid dpal 'khor lo sdom pa rdo rje phag mo dang snyoms par 'jug cing me tog sna tshogs pa'i rgyan bzang gis mdzad pa sogs legs cha kun nas rdzogs pa thgs bde stong gi ye shes ches rgyas pa'i 'phyur zhing ches khol ba dang bcas ji bzhin mngon du gyur pa sogs thgs slob dag pa'i spyan ldan dag la mtshar dgu'i ltad mo dus su legs par ngom pa sogs ni 'dir phyogs re tsam du ma zad par slob bu dag snang can rnams la snga phyi kun tu yang yang ches mang tshod du 'dug la | rtogs pa 'di tsam gyi dus su slebs tshe yon tan gyi 'char sgo stobs chen gang dag la ngo ci zhig mtshar te sngon chad sku na chung ba'i dus 'dzam thang gtsang pa'i pho brang du bla ma chos 'phags kyi mdun nas drug cu'i dam can chos rgyal gyi spyan 'dren dbyangs gyer bslab dus khong gis ya be zhes pa'i gyer dbyangs mdzad tshe skad cig la lho phyogs gshin rje'i grong khyer nas chos kyi rgyal po 'khor gshin rje bye ba ther 'bum bcas dag snang ye shes kyi gzigs ngor lan gsum byon pa sogs kyis mtshon sku na gzhon dus nas kyang 'gran zla dang bral ba'i grub pa'i dbang phyug gi mdzad sgo rlabs che ba can zhig go | |
deng skabs yang khong nyid mkha' mnyam gyi 'gro ba spyi dang khyad par gdul zhing du gyur pa'i slob tshogs la thugs brtse nam yang mi lhod pa'i dbang gis nyin cig slob bu mnyam nyid 'dzam thang du 'gro skabs khong gi thgs mngon shes kyis 'byung 'gyur rgyal gdon gyi 'tshe ba byung tshul ji bzhin gzigs te slob bu la de lugs kyi bskul slong mdzad de slob ma nyid nas thugs dogs zon gyis yi dam lha'i gsal snang gis 'tshe byed kyis glags ma rnyed pa dang | yang nyin cig gang gi thugs sras bu chen rab ka'i bla ma don ldan sku na gzhon pa'i dus rang yul gyi gnyan cha che ba'i ri lung zhig tu mtshan mor gcig pur gnyid log pa rgyal gdon gyis 'tshe ngo shar tshe khong gi mngon shes kyis mkhyen te skad cig la der byon nas gsung skad mthon pos slob bu'i ming nas 'bod pa'i sgo nas gnyid las bslangs te 'jigs skyobs mdzad pa sogs thugs slob gang dag la 'di phyi kun tu thugs rje nam yang yol ba mi mnga' ba'i 'phrin las mchog legs par bdag gir bzhes pa'i 'gro 'dren gyi skyobs pa ches khyad mtshar can zhig ste | gzhan yang khong gi sku ring du slob bu mang po la rang rang dang 'tshams pa'i 'byung 'dul | rta mgrin | 'jigs byed 'bru non | snyan brgyud sogs bskyed rim sna tshogs pa'i dmigs khrid ci dgos de de ltar khrid 'debs mdzad cing | de skabs khong gi nang slob sngags pa bla ma mnyam nyid sogs dang | phyi