[A:394] byon zhing | skabs rer shambhala'i rgyal po rigs ldan mchog gi chas su zhugs te dbu la lwa thod dang phu dung can smug mdog gi tshar gos mnab cing sked du shub khra'i ral shang gi dpa' chas kun nas rdzogs par mdzad pa sogs dkyil 'khor lo'i dbang phyug chos kyi rgyal po'i rnam par rol pa sogs kyi mdzad sgo gnang ste lo dus bzhin chos tshan dag gi chos mjug re rdzogs mtshams rnams su tshogs kyi 'khor lo'i mchod pa rgya cher byed pa'i srol yod cing | tshogs mchod skabs dpon slob kun gyis tshogs la rol cing lhag ma phyir dor ba'i skabs lo rer chos tshan la rdo rje'i slob bu du ma yod kyi grangs lhag mgron gyi rnam par 'phrul ba bya rgod de rnyed kyi grangs 'khor gral na bzhugs pa'i bla slob dag pa'i spyan ldan dag gi thugs snang ngorya mtshan dge legs cir yang ngom zhing ngo mtshar ba'i ltad mos thugs gshis bde dgas khyab ste nyams bzang shugs 'byung gis 'phar g.yo sna tshogs p'i rtsed 'jo dang | rdo rje'i dga' glu ring mo ngag nas rang byung du thon pa sogs rdzogs ldan chos mchog gsar pa'i dpal yon mkha' la spyod pa'i TAki 'bum phrag gi zhing du mkha' 'gro 'du ba'i tshogs 'khor gyi dga' ston la nges par 'gran 'os su gyur pa ste lhag mgron bya rgod rnams slob grangs dang mthun par thang dkar thang nag la mang nyung ci rigs yod pas de lugs kyi slob ma la'ang bzang ngan gyi tshod ji bzhin dpug nus pa lo dus bzhin 'ong la | gzhan lam zab naigu'i rim gnyis kyi rnal 'byor pa dag la shangs chos skor gyi dbang lung zab khrid man ngag bcas gnang skabs zhal nas slob tshogs la sngon ye shes kyi mkha' 'gro ma naigu'i zhal dag snang du dngos su mjal ba ni jo nang rtag brtan gyi slob dpon chen po grub pa'i dbang phyug sku zhabs spo ra ba blo bzang mthu stobs zhabs pa de yin zhing | de'i mdun nas khong gi bla ma dge slong chos 'phel rgya mtshos legs gsan mdzad pas da lan byin rlabs don gyi brgyud pa gsum pas mi ring bas nye brgyud byin rlabs drod tshan ches myur ba sogs zab chos kyi che ba gzhan las khyad par du 'phags pa mkha' 'gro'i thugs bcud kyi gsang gnad mchog gi bka' rgya deng 'dir khyed rnams la kho bos legs bkrol mdzad pas skal ba gang thad nas bzang tshul gyi gsung gi dbugs dbyung zhib rgyas kyis skabs de'i rdo rje'i slob bu rnams rab dga'i shugs kyis sems la bzod med kyi dad pa dang lus kun nas 'dar ba'i ngang tshul sdod mi tshugs pa lta bu'i gnas 'gyur thob cing |
'di skor khong nyid kyis yi dam gyi gtso bo rdo rje rnal 'byor ma'i mtshams bsnyen la rgyun bzhugs kyi ngang ye shes sgyu ma'i sku drag por bzhengs pa sogs kyi dus su gang gi thugs sras thu bo sngags pa bla ma mnyam nyid kyi snang ngor rje bla ma nyid rdo rje rnal 'byor ma'i sku dngos su gyur te thugs ka'i 'od zer gyis dbyings nas rdo rje rbal 'byor ma rgyud sde rab 'byams kyi lha tshogs dang bcas che ba srid gsum gang ba'i