[A:396] slob sa dmar bla ma lung rtogs sogs mkhyen spyan mchog mnga' gang dag gis bskyed rim khrid zhu dus su bla ma nyid de skabs yi dam lha gang yin pa de'i rnal 'byor dngos su gzigs pa sogs kyi dag snang bsnyon med byung zhing | sngar khong nyid kyis sku gzhon pa'i dus wa shul grong gi bdud 'dul mchod rten gyi thig rtsa ba mdzad skabs gang gi thugs snang du sngon jo nang kun mkhyen chen po'i sku 'bum bzhengs dus kyi thog ma'i thig gdab dus shar phyogs kyi thig sne 'dzin mkhan chos rje mchog gi thugs slib cig tu nges shes legs par 'drongs pa ltar da lta dpal ldan bla ma 'di nyid jo nang pa chen po'i thugs sras bu chen kun spangs chos grags dpal gyi yang srid du som nyi'i drwa ba kun nas chod nges su 'dug | gang nyid kyis dbang bskur zab mo'i bka' snga phyi ci rigs su legs gnang gi rim pa mtshon tsam yang chu pho rta yi lor khong gis 'dzam thang gtsang pa'i rdo rje slob dpon bla ma chos 'byor sogs 'dus pa mang po la | naigu'i sgo nas bka' drug gi dbang | rang babs rnam gsum | 'jigs byed ro langs brgyad bskor | bde mchog lha lnga | thams cad rig pa | rnal 'byor ma | dus 'khor mchog dbang | lha dgu'i dbang sogs gsungs |
shing mo bya'i lor yar thang du khong nyid byon nas bla ma chos 'byor dang yar thang ba'i bla sprul dag gis gtsos 'dus pa ches mang la rgyud sde rab 'byams kyi bka' dbang gi chu bo yongs su rdzogs pa bka' drin du mdzad cing | me mo phag gi lor khong rang 'dzam thang du chags phebs mdzad nas bla ma chos 'byor | bla ma mkhas dbang sogs grwa tshang mang po la bde mchog rab 'byams cha tshang dang | de'i phyi lor gshin rje rab 'byams kyi dbang bka' yongs rdzogs gsungs la | sa mo glang gi lor 'dzam thang du khong gis bla ma chos 'byor sogs 'dus pa che tsam la sgrub thabs rin 'byung gi dbang cha tshang | rjes gnang brgya rtsa sogs zab bka' mang po legs par mdzad | rang gnas su khong nyid bzhugs te sgom grwa pa gang dag la gong smos rnams las gzhan kun mkhyen dol po'i bka' pod drug gi bklag lung bar bar gsungs shing | de min 'don cha mkho tshogs kyi lung sogs ci dgos kybd de lugs ltar gyis re 'dod skong bar mdzad la |khong gis sngar nas kyang gtsang pa grwa tshang gi dus 'khor sgrub mchod sogs kyi yon bdag byas shing rje sor rang yul 'dzi nyin shog gi grwa mang la dus 'khor 'tshogs kyi thebs bzhag sogs rnam dkar gyi mdzad sgo mi dman pa'ang legs sgrub mdzad |
yang skor zhig tu khong nyid 'dzam thang gtsang pa'i sku rim drug cu'i dbu blar phebs nas las mtha' zor brdeg gi skabs dpa' ri ba o rgyan rab brtan zhes pa'i sngags rnying phyogs kyi rnal 'byor pa mchog cig gi gzigs snang ngor bla ma gang nyid kyis sngags chas gyon bzhin zor 'phen la byon dus su dpal rdo rje 'jigs mdzad chen po 'khor tshogs yongs rdzogs bzhugs yul pu ma pu ri'i zhing khams kyi