[A:399] yongs su rdzogs pa'i sa bon legs dod mdzad pa sogs phyi nang gi dge mtshan bsnyon med byung tshe gnas tshul de la dpag nas 'ba' mda' bla ma 'jam dbyangs dngos byon lta bu gang nyid kyi thugs ngo mtshar de zhal nas | da dung 'di bzhin zhag bdun bar bsgrub na mtshan ma rdzas kyi 'grub rtags me tog rnams kyang kha phye zhing sa bon rnams lha tshogs dngos kyi rnam pa ches gsal po 'grub thub nges red | ces gsungs pa sogs der gnas mchog dman mtha' dag yid ngo mtshar zhing snang ba ha las pa'i dga' ston sngar byung ma myong ba lta bu nges par byung ngo | |
yang bar skabs shig tu rgu'i na mo cher khong nyid a skyong mi dbang rin chen byams kyi sku rim du phur sgrub kyi dbu blar bzhugs tshe sgrub chen gyi byings 'dren la lha tshe skyabs mgon nyid kyis mdzad skabs khong rnams la gsol chas dmar mchod ched dud 'gro skam g.yag bsad nas sha khrag gi zhal zas mdzad tshe 'gro 'dren grub pa'i dbang phyug khong rnam gnyis kyi thugs rje'i mdzad sgo las skad cig la dud 'gro g.yag gi rnam shes 'og min bde chen zhing du gnas spar te da phyin chad ngan song gi skye sgo kun nas chod pa'i gnas 'dren khyad par ba'i bzang 'brel byung ba sogs de skabs la'ang ngo mtshar ba'i lo rgyus du ma gleng mol byed pa byung | de phyis shig nas a skyong dpon de nyid kyi ma rgan nad kyis yun ring btab bzhin thgs chen la gnas mjal du phyin rjes tsam na rgan mo'i nad la gso thabs zad pas khong gi sku drung du rnam shes spar chog nyu ru phyin skabs gang nyid kyis gsang chen 'pho ba'i dgongs spyod zab mo byed pa'i mod rgan mo skad cig la bem rig bral te rnam shes dag pa'i dbyings su gnas spar nas bde gnas la dngos su bkod par mdzad | de rjes skor zhig khong nyid rang gnas ri khrod kyi chos sder bzhugs skabs 'dzam thang gtsang pa sku chen 'jam dpal myhu stobs rnam rgyal sku grib cig gi rkyen gyis rje bla ma mchog gi drung du skyabs zhu la byon nas zhag 'gar bzhugs dus nyin cig glo bur du bla ma mchog gis thugs khro tshul gyis nyid mtshams khang du mnyam bzhag zab mo'i rnal 'byor la bzhugs |
de'i phyi nyin nas bzung gtsang pa'i sku grib gtan sangs kyis khams bder byung nas khong sku chen mdun du bos te zab mo'i gcod kyi bka' bsgo drag la rngam pa sngags chas kyis brdeg brdung dang bcas pas bgegs bskrad mdzad de khong rnams gnyis thugs spro che ba'i ngang nyin zhag thog thag gcig tsam la nyams rtogs kyi bgro glengs zhib rgyas mdzad rjes de'i mtshan mo'i mtha' tsam na bla ma'i zhal nas | gtsang pa la |da ni nam langs la khad du yod pas sprul sku nyid re zhig gzims par mdzad | nga rang ni de'i phyis shig nas dus kyi 'khor lo brtan g.yo srid pa gsum la khyab pa'i rang bzhin can gang de'i g.yon zhal sku rdo rje rnam par bzhad pa'i nyams dper na gangs kyi ri bo zhig nyi ma'i 'od kyis bzhus te dkar kyi li li 'ong ba lta bu'i snang ba dus rgyun du chad pa med pas 'od gsal dag pa'i rang snang de'i ngang