[A:400] 'ba' zhig las gzhan du bskyod 'gal sogs kyi rnam pa ye nas mi 'dug | ces gsungs shing | yang dus gzhan zhig tu khong gis | slob bu don ldan la | da lan ni kho bo'i lus kyi ba spu'i khung bu re re na'ang zhing khams bye ba rab 'byams kyi rnam par dus dus su mthong 'dug cing | nam zhig ma 'ongs pa na khyod la'ang de 'dra 'ong | zhes bka' lung gsal po bstan cing | de skor gong 'og ci rigs par khong nyid kyi zhal nas | 'dzam dpal gyi don dam pa'i mtshan brjod kyi tshig rnams | bar bar mgur dbyangs su gyer te yang yang gsung snyan la 'jebs pa'i sgo nas 'gyur khugs 'then pa'i rdo rje'i dga' glu ring mo'i rnam pa dus kun tu mdzad kyin 'dug cing | spyir khong gis hakSa dung phyur gcig dang | bde mchog yum gyi snying po yi ge bdun pa dung phyur sogs ljags bzlas yang grangs mang mdzad la | nyid kyi gsung rtsom yang thugs sgom byung shes rab zab mo'i klong nas kun mkhyen yab sras bcu bzhi'i gsol 'debs zab mo'i gcod kyi lus sbyin | tshe 'gugs sogs mkho tshogs kyi zab chos yang gsungs pa 'ga' re yod | gzhan yang rnam par dkar ba'i mdzad sgo rgyun khyer bsang gcod sogs kyi bsod nams kyi bgyi ba'ang dus su 'chag med mdzad |
khong gi sku ring gi smad la dbyar zla gsum du dge 'dun 'du ba'i gso sbyong sogs kyis 'dul khrims nyams pa phyir bcos pa'i dbyar gnas lo dus yod la | de 'dr'i khyab bdag rigs kyi bdag po gang gi thugs sras kyi slob bu phyi nang gsum gyis bsdus pa ches mtha' klas shing khyad par khong gi sku tshe smad tsam na 'ba' mda'i bla ma thub bstan dge legs rgya mtsho byon nas khong nyid rgyal kun spyi gzugs kyi bla ma gsang chen chos sgo ston pa'i bka' drin gsum ldan gyi rdo rje 'dzin pa mchog tu gus pas legs bkur gyi ngang nas zab lam sbyor ba yan lag drug gi nyams khrid yongs rdzogs zhib rgyas su zhus te thos bsam sgom gsum gyis rtogs pa mchog brnyes pa'i thugs sras thu bo nyid du gyur pa dang | gzhan yang gong smos ltar gyi rtogs pa'i dbang phyug sngags pa bla ma mnyam nyid | rab ka'i bla ma don ldan | mgo log bla ma tshogs gnyis rgya mtsho | bla ma bsod nams bzang po | bla ma bstan pa rab rgyas sogs bla ma rdo rje 'dzin pa bstan pa'i rtsa lag du ma dang | gtsang pa sku chen | gtsang pa sku ngag | gtsang pa sngo sprul sogs sprul sku du mas gtsos thugs slob nyams rtogs zab mo mnga' ba'i bla sprul bstan 'gro'i don mdzad pa'i skyes chen shin tu mang po legs byon mdzad la | mdzad chen gyi sgo de lta bu'i sgo nas sgrub gnas ri khrod du sku tshe mdzad pa mthar phyin pa la nye ba khong nyid dgung grangs don lnga skor la sleb ran tsam gyi dus nyin cig tu khong dang sku tsha chos nyid lhan rgyas su yod pa'i skabs shig na | gang nyid kyis dga' ston tshogs kyi 'khor lo'i gsol chang ro nus ldan pa zhal phor gang legs par gsol te | zhal nas | da lan nged gnyis ri 'gor skyo sangs la 'gro | gsungs pa ltar byas te ri mgor dpon slob