[A:403] kyis snyan zhu des de lugs la gegs su gyur pas ma legs pa zhig byas | gsungs |
de nas thugs slob gang dag gis dgongs mchod rgya cher legs sgrub skabs mchod yon gang dag la bkra shis rdzas rtags sogs kyi legs mtshan shar bas mtshon snga phyi bar gsum kun tu ngo mtshar ba'i rtags mang zhing | gdung la zhugs 'bul dus su ye shes kyi me dpung dang bcas khro rgyal rdo rje shugs kyi sku rab 'byams phyogs bcur sprod ba sogs dag snang mang po byung zhing gdung rus yang cha tshang che chung gnyis su song nas de dag la dus kyi 'khor lo'i lha sna tshogs yongs rdzogs kyi sku dang sa bon yi ge 'bur du dod pa legs par byon la | de 'dra'i bstan 'gro'i dpal gyur gang gi gnas tshul ji bzhin pa thub bstan dge legs rgya mtsho'i zhal snga nas gsungs pa | spyir bla med sngags lam las tshe gcig la sangs rgyas pa ni rje btsun bzhad pa rdo rje lta bu yin kyang | rje bla ma 'di nyid kyang sku tshe 'di'i mtha'i rab na 'chi ba chos sku dang 'bring na de rjes kyi bar dor longs sku dang tha na'ang skye srid phyi mar lo gsum phyogs gsum las mi 'gyangs par rdo rje 'chang gi sku nges par mngon du byed pa dang | da lta gdung rus che chung gnyis su song ba ni 'dus 'khor yab yum gyi ye shes sgyu ma'i sku grub pa'i bden rtags zhig kyang red | ces gsungs so | | gdung rten yang slob bu dgra bla bla ma blo mchog gis bzhengs pa'i dus 'khor mchod rten sogs rten gsum ci rigs pa re yang legs bzhengs bgyis shing | dgongs pa rdzogs pa'i gshegs mchod kyi dus skabs kun tu 'ba' mda' bla ma | sngags pa bla ma | rab kha bla ma sogs thugs sras bu chen gang dag gis gtsos slob bu ches mang pos rnam par dkar ba'i bsod nams kyi bsags sgo rgya cher legs bskrun dang bcas mtha' rgya yongs rdzogs kyi bya ma lus pa grub zin kyang mdzad | de 'dra'i dpal ldan bla ma mchog gi thugs slob gang dag ji ltar bzhugs pa ni gong du song bas mtshon rim gnyis kyi rtogs pa legs pa mnga' ba shin tu mang po yod pa lags |
lha rtse'i dgon gyi gdan sa 'dzin pa'i slob dpon kun sga' mnyam nyid |
7. gang de'i gdan sa 'dzin pa'i sgrub brgyud kyi slob dpon kun dga' mnyam nyid ces pa'i lo rgyus ni | 'dzi nyin phyogs su yab sngags pa 'jigs med dang yum ri za khyi lod gnyis la sras lnga yod pa'i thog ma sa lug lor dam pa 'di nyid 'khrugs shing | de nas cher bskyed de na tshod smin tsam gyi dus su lha bzo bla ma dang dgra bla bla ma 'phrin las gnyis kyi drung nas klog bslabs pas byang chub par byas shing | de mtshams shig nas sngar gyi rdo stod dgon gong ma'i grwa rgyun ltar sku chen gyi mdun nas rnying ma'i chos skor cha tshang zhus te nyams len mdzad cing | khyad par rdzogs pa chen po'i rnal 'byor pa bla ma nges don gyi drung nas rdzogs chen gyi zab khrid mang po gsan sgom mdzad skabs khong la mnyam nyid ces pa'i mtshan gsol | de nas mi ring bar bkra shis lha ri'i dben gnas su lha bzo rdo rje 'chang ngag