[A:402] ni khyed cag tshos 'di'i mdun nas smon lam ci 'dra btab kyang mi 'grib pa gang yang med ston pa shAkya seng ge dus kyi 'khor lo'i sku dngos su bzhengs pa dang khyad par mi 'dug go | zhes gsungs nas bla ma nyid la sangs rgyas dngos kyi 'du shes thugs gting nas nyer 'jog mdzad do | |
yang nyid cig tu khong nyid kyi gzugs sku nyi 'od du nye gnas kyis spyan drangs pa re zhig par lus pas 'phral du char gyis cung zad gos pa nas bzung de phan sku gzims khang du bzhugs skabs 'od dkar na bun lta bus gzims khang gi nang rtag par khyab ste nyid kyi dbu skra'i steng zil pa khrom me'i rang bzhin du rgyun gnas su gyur cing tshul de ka'i ngang nas bzhugs pa la nyin cig slob tshogs 'ga' zhig ngang lhan du bzhugs skabs sku tsha chos nyid la gnas lugs stong nyid kyi zab don lag sbyin gyi tshul du phyag zung gis sbyin tshul mdzad pa nas bzung de phan chos nyid kho rang gis sems kyi gnas lugs la nges pa zab mo rnyed ces grags shing | mdzad pa de 'dra'i sgo nas lo ngo gsum gyi tha ma'i nang tsam na khong gi shangs bug nas rlung 'byung 'jug gnas gsum sngar las ches ring po nyid du song ste tshul de kar zhag mang po zhig bzhugs mthar khong nyid dgung grangs don bdun sa mo phag gi lo'i nag zla'i tshes bcu drug nub nye gnas dag gis khong sku gzims su bcug kyang phyi nyin tshes bcu bdun gyi nangs snga mor sku yar bzhengs te sngar las gzi brjid 'bar zhing sku mdangs shin tu dkar 'tsher gyi rnam pa spyan gnyis bar snang du hrig ger gzigs bzhin gzims mal du legs bzhugs mdzad 'dug pa khong gi gam char gyi nye gnas sku tsha chos nyid dang | ra 'obs bla ma ngag snyan gnyis kyis mthong ba na sku tshas ci yang zhu ma nus shing ngag snyan gyis snyan zhus phur ba | bla ma rin po che | gsol ja legs bzhes mdzod cig zhus pa na de ma thag khong gis khro nyams kyis gsung gnang mdzad de | a le bser yag pho che gnyis nga rang 'dir bza' btung med pas 'ong ba ci la yin sogs mtshang nas rgol ba'i gsung rtsub mo'i bka' bkyon zhig kyang mdzad mthar | a la la | khyed cag gnyis kyi zhe blo bde mo mdzod cig ces gsung nas thugs rab tu zhi ba chen po'i ngang nas khong gis sku seng ge nyal stabs kyis glo g.yas pa sa la phabs nas ston pa mchog mya ngan las 'da' ba'i bzhugs stangs kyi steng nas thugs dgongs chos dbyings zab mo'i gshis lugs las slar yang ldang ba med pa'i tshul gyis zhag 'ga' zhig thugs dam du legs bzhugs mdzad cing | de rjes su dkar dmar rgyu ba ji bzhin pa'i rtags dang bcas thugs dam bkrol te mngon dga'i zhing dang dag pa mkha' spyod kyi zhing du sprul pa 'dra min cig char bas gshegs tshul bstan pa na gang gi thugs sras thu bo thub bstan dge legs rgya mtsho yang phebs par mdzad skabs sngar gyi lo rgyus gang dag zhus tshe bla ma dge legs kyis rje bla ma'i thugs chos dbyings su thim pa la nye ba'i dus su khong gis skye ba sprul pa'i sku la thugs dgongs gtad de ma 'das pa'i sku sprul 'byon par chas yod pa la | nye gnas