[A:411] nas | 'o snying rje tshe gang bo mi dge ba 'ba' zhig byas pas 'chi rgyu ngan pa yin | gsung | yang nyin cig | da skabs phyug shul rnam bkra shi'am | gsung | shi lags zhus pas | 'o de yang snying rje tshe der tshong mna' skug las med pas 'chi rgyu ngan | gsungs pa sogs 'gro kun la snying rje che bar gyur te tshe snga phyi ji bzhin gzigs pa'i rnam pa can du bzhugs nas zla ba de'i mtshams re zhig gi skabs su sku drang por legs bzhugs mdzad de spyan gnyis nam mkhar gzigs bzhin zhal gsung lan 'ga' las mi 'byon par bzhugs 'dug | de dus su slob bu mchog dag gis khyed kyi thugs snang gi tshul | zhus tshe | nyid kyi zhal nas | nga rang gi thugs kyi rang bzhin ni chos kyi dbyings 'khor 'das kun la khyab pa zhig go zhes gsung | yang da lan khyed kyi thugs 'dun gang du gtad | zhus pas | khong gi rtsa ba'i bla ma lha bzo sang mngon dga'i zhing du bzhugs yod pas der bdag gis 'dun pa gtad pa yin | gsung | slar yang slob tshogs kyis nged rang rnams thugs rjes ma 'dor | zhus pas | zhal nas | rang gis sngar khyed cag la 'di phyi'i 'gro lugs gang bshad pa tsho sems la zungs | rjes sor khyed cag slob bu rnams ma zad rang la 'brel ba gang thogs thams cad thugs rje lhod med kyi ngang nas dag pa'i gnas su bsu ba byed nges yin | da lan rang gi snang ba phyi dag pa'i zhing 'ba' zhig gi bkod pa dang bcud lha dang lha mo'i rang bzhin sha stag tu shar ba las tha mal 'di snang gtan nas mi 'dug | na zug mi bde ba gang yang med cing tshe gang bo la de ring gi bde med pa lta bu zhig red | ces gsungs nas 'di skor snga phyi ci rigs par zhag bco lnga tsam la sku'i gsang ba sbubs su nub nas ri chu dri chen gtan 'gags su song zhing sku las dri bzang po cher mched bzhin zhal zas kyi bya ba gang yang ma mdzad par sngar gyi thun mtshams la nyi tshad thun dus zhal 'don re klog bzhin gsung re 'byon na ma gtogs ci yang ma smra ba'i brtul zhugs kyis mnyam bzhag zab mo la rtse gcig pa'i tshul du legs bzhugs kyi ngang nas zla ba de'i tshes bco brgyad kyi nangs snga mo nyi shar gyi dus su'ang sku drang por phyag gnyis sa gnon gyi phyag rgya dang bcas sngar las gzi brjid che zhing 'od mdangs dkar po byung ba spyan gnyis bar snang la gzigs bzhin zhal nas | hig sgras rlung nang du brngubs te thugs chos dbyings su 'dres nas zhag gsum thugs dam la bzhugs rjes dkar dmar ji bzhin pa'i rtags kyi sgo nas thugs dam legs bkrol gshegs mchod sogs kyi tshe mchod chur me tog dkar po 'dab brgyad babs pa sogs phyi rtags dang dag snang ngor mi bskyod rgyal ba'i dkyil 'khor mthong ba sogs nang rtags kyang mang bas mtshon gdung la zhugs 'bul skabs sha'i ring bsrel dpag med byung zhing gdung rten byang chub mchod rten sogs kyang legs grub mdzad cing | nyid kyi thugs slob gong du smos pa ltar gyi bla grwa yang mang po byung ngo | |