[A:410]
dgung lo nga gcig nas nga gsum bar la sbyor drug pa bla ma phun tshogs dpal sogs drug | bla ma rin dpal sogs brgyad | bla ma rig dbang sogs gnyis te chos tshan gsum la de lugs ltar gyi zab khrid dbang lung ci dgos dang slob 'ga' la bsnyen rdzogs kyi sdom pa'ang gnang | 'di skor bla ma snyan grags kyi mdun nas sbyong rgyud dang naigu bka' phyi nang sogs kyang khong gis gsan | 'di lor dus 'khor dbang chen dang mkho tshogs kyi bklag lung mang po gsungs la | dgung lo nga lnga par sbyor drug pa ngag dbang rdo rje sogs gsum la chos bka' ci rigs kyi rjes su bzung zhing re 'dod bzkangs |
dgung lo nga bdun lor sbyor drug pa bla ma 'jigs dpal sogs brgyad la zab chos gang dgos dang sgrub thabs rin 'byung gi dbang lung cha tshang mdzad cing slob 'ga' la dge tshul slong gi sdom pa gnang |
dgung lo drug cu sbyor drug pa byang grags sogs lnga la chos bka' ci dgos dang dgung lo re gnyis par sbyor drug chos 'grub sogs gsum la de lugs ltar gyi rgyun mkho'i chos ji ltar 'os pa dang | dus 'khor dbang chen kyang gsungs pa yin la | dgung lo re lnga'i dus sbyor drug pa chos sems sogs bzhi la zab khrid nyer mkho legs gnang mdzad pa sogs sbyor drug pa'i mtshams grwa chos tshan snga phyi ci rigs su gang mang zhig legs skyong gis sgrub brgyud bstan pa cher spel mdzad cing | khong gis dgung lo re bdun skabs 'dzam thang gtsang pa'i grwa tshang gi bde mchog sgrub mchod kyi khri 'dzin kyang mdzad | dam pa khong nyid kyis sku tshe gang bor phyi so thar gyi pham lhag spang ltung sor bshags kyi ltung ba lta ci nyes byas su gtogs pa cha phra ba tshun chad kyang mkho chung du mi byed par ji bzhin legs bsrung gis dbang po'i sgo kun nas bsdams pa las 'bras phra zhib lag len du thebs nges mdzad pa nyin re yon chab brgya phrag re sogs sgo gsum gyis tshogs kun nas bsags pa sogs dang nang gi nyams myong gi sgo yang sku tshe smad du thugs chos dbyings ye shes kyi gshis nye bar mngon pa gang snang phal cher 'od gsal ljang 'od kyis khyab cing nyin mtshan 'khor mo yug tu gti mug rang sangs su song ste 'od gsal dag snang gi 'char sgo 'byams klas pa sogs phyi nang gi yon tan rlabs chen mnga' ba'i deng dus kyi 'gro 'dren chen po'i skyes bu mchog tu nges so | |
de lta bu'i sgo nas sku tshe mthar phyin pa la nye skabs khong nyid dgung lo don gcig shing bya'i lo'i nag zla'i tshes gcig nas 'dzi rong dam pa'i bla ma rin chen dar rgyas kyis bzhengs pa'i mchod rten chen mo la rab gnas mdzad ched khong der byon skabs shig nas sku la bsnyun gyi rnam pa byung ste yar rang gnas su phebs rjes slob tshogs kyis zhabs brtan kyang ches mang bsgrub pa'i skabs re zhig tu nyin cig khong gi zhal nas | da lan bser ba bka' bsrung shi'am | gsung | shi lags zhus pas | zhal