[A:412]
skyes chen dam pa thub bstan dge legs rgya mtsho|
9. gtsang chen sprul pa'i sku gsum pa'i dngos slob gtsang pa dge slong ngag dbang chos 'phel dang | gtsang pa nyid dang gtsang pa dge slong zung gi dngos slob ngag dbang chos kyi 'phags pa dang | dge slong nyid kyi thugs slob ngag dbang chos 'dzin zhabs pa ste | chos kyi mtshan ldan rnam pa gsun gyi zhal lung gi chos kyi bdud rtsi nye bar thob pa snyigs dus kyi bstan pa gsal byed mchog gi skyes chen thub bstan dge legs rgya mtsho'i lo rgyus mdo tsam gyi tshul yang spyir na skyes chen dam pa gang nyid 'jam mgon mkhyen pa'i gter gyi ye shes mchog gi rnam 'phrul gyi rol pa las nges par 'char ba zhig na'ang grub pa'i dbang phyug rdo bla kun bzang gzhan phan gyi rdo rje'i lung gis | dpal nAro'i sprul pa'i skyes bu zhig | | ces 'phags yul gyi paN chen nAro pa'i sprul bkod sgyu ma'i sku nyid du 'gyur med lung gis gsal bar bstan cing | deng skabs sngon gyi yongs grags la dam pa 'di nyid gangs can mdo khams kyi snang med dbu ma'i srol 'dzin chen po sngags gsar ma dge lugs pa'i mnga' bdag gcig gyur rje bdag nyid chen po'i sprul pa'i sku ru che bsngags kyi zer srol yod na don gyi gnas tshod du'ang rgyal ba'i rnam par 'phrul ba bsam gyis mi khyab pas 'gro 'dul dus babs gang gi tshul sna tshogs snga phyi cig char ji ltar mdzad kyang 'gal min 'gal brdzu'i rtsed mo'i cho 'phrul mtha' klas pa la yid gnyis kyi go skabs ga la yod | 'on kyang 'dir khong thugs snang gzigs pa'i tshad ma mi bslu bas ji bzhin mkhyen pa ltar na nyid kun mkhyen bla ma 'jam dbyangs bshad pa'i yang srid 'gro 'dren du byon par gor ma chag cing de yang kun mkhyen bla ma nyid de sngon dge legs pa'i bstan pa'i rgyan gcig yig cha bzhi'i ya gyal yin kyang khong gi sku phreng sngon byon ni jo nang rje kun dga' grol mchog gi sngon gyi sku phreng dang gcig chog pas rje btsun tAranAtha'i rnam 'phrul du'ang nges phyir snyigs ma'i dus kyi mthar kun mkhyen jo nang pa chen po'i nges don sgrub brgyud kyi bstan pa'i gsal byed mchog tu bsam bzhin skye ba bzhes pa ni gnad de lugs kyis yin pas rje dam pa 'di nyid jo nang rje btsun rin po che slar yang rang re'i bstan pa gsal byed du legs byon mdzad pa yin rung ba lta bu ste | de yang gangs ri'i ljongs kyi bod chen po'i nang tshan shar rol chen bco brgyad las rdo rol gyi char gtogs pa 'dzi ka'i lha mo dar thang dang nye ba'i yul 'ba' mda' zhes pa na stong pa khams pa'i rigs 'dzin pa yab dgra bla lcags lo dang yum skyid ko ma gnyis kyi sras lcam sring lnga las che ba nyid du rab byung bcu bzhi pa'i nang tshan khro ma zhes pa shing pho 'brug gi lor nyid sku legs bltams mdzad la de yang yul 'di'i zer srol la 'jam dpal dbyangs kyi rnam 'phrul khong nyid dang | spyan ras gzigs kyi sprul sku mched 'bring po skyabs rje zla ba grags pa dang | phyag rdor gyi rnam rol mched chung ba rnam dkar dge la gzhol ba tshe bsam zhes pa'i khyim thab pa zhig yod pa