[A:415] dra'i sbyor drug | sbyor drug gi 'khrul 'khor lag len sogs cha lag yongs su rdzogs pa dang | shangs chos skor | bde mchog lha lnga'i bskyed rim | de'i rdzogs rim naigu'i chos drug yongs rdzogs kyi zab khrid sa bcad lag len bcas cha tshang | 'jigs byed kyi bsnyen sgrub gnyis ka'i khrid rdzogs rim dang bcas pa | bde mchog lha skyes | gsang 'dus 'jam rdor dang mi bskyod rdo rje | rgyud sde lnga'i gtso 'dus | dgyes pa rdo rje | mahA maya | uSNi 'a rwa lugs | phyag rdor a tsarya | 'byung po 'dul byed | rta mgrin skyer sgang lugs | rdor shugs phub chen dang gtso rkyang | dus 'khor khyung khra | 'jam dbyangs dmar ser | 'dzam dkar | sgrol ma dkar ljang | tshe dbang grub rgyal lugs | mi 'khrugs pa | mgon po brag rdzong ma rnams dbang khrid yongs rdzogs zhal rgyun bcas dang | skyes bu gsum gyi lam rim blo sbyong don bdun ma sogs bshad khrid kyang ches mang po sogs mdo dang sngags kyi zab mo'i bka' rgya cher legs gsan mdzad do | | 'di skor khong nyid sde dge nas mar rang yul du byon rjes gong 'og ci rigs rnams su 'dzam thang chos rje'i khang gsar du gtso bor bzhugs nas snga phyi yongs bsdoms mi lo bcu gnyis tsam la mdo phyogs bka' pod spyi dang khyad par phar phyin gyi gzhung lugs bod phyi rabs pa rje yab sras kyi yig cha rnams dang yang sgos kun mkhyen bla ma'i yig cha gtso bor byas te dpe cha la zhib gzigs gnad khel dang | de min sngags phyogs kyi sde snod ci rigs la'ang tshul de mthun gyis dpe gzigs zhib rtog gi sgo nas mdo dang sngags kyi gzhung lugs zab mo'i dgongs gnad dpyis phyin par lon nges byas te rigs pa dri ma med pa'i lam nas byang chub cing de dag gi skabs sbyang brtson ha cang byed drag pas nyid sku la rlung nad kyi bsnyun gzhi rgyun du bar bar byung bas dbu zhwa nyis brtsegs mnab pa sogs kyi mdzad sgo yang gnang | bar bar rnams su gzhan la dpe khrid rig gnas sna tshogs legs bslab mdzad pa sogs kyis gzhan don ci rigs pa yang mdzad cing | khyad par khong nyid dgung lo bzhi bcu la sleb skabs sogs su 'dzi nyin phyogs kyi bkra shis lha ri'i dben gnas kyi chos sde na rdo rje 'chang chen ngag dbang chos 'dzin dpal bzang po bzhugs pa'i drung du phebs te | rgyal ba jo nang pa'i byin rlabs don gyi brgyud pa'i nyams myong zab khyad can dmar khrid lag len gyi sgo nas dus kyi 'khor lo'i zab lam sbyor ba yan lag drug gi dbang khrid yongs rdzogs legs mnos mdzad de zab mo lam mchog de dag la skabs ci rigs par nyams len gnad smin gyis lam rang rang gi nyams rtogs rnams thad ka thad kar ji bzhin skyes te tshul de lugs bzhin thugs dgongs su ngo 'phrod nas srog thur 'dres pa'i rtags khyad par can sogs gsang chen theg pa'i mngon rtogs mchog brnyes pa'i rdo rje 'dzin pa'i go 'phang bdag gir bzhes shing | gzhan yang dus snga phyi rigs su rdo rje 'chang chen po gang nyid kyi mdun nas dpal rgyud sde rab 'byams yongs su rdzogs pa'i zab bka'