[A:416] dbang gi chu bo ma lus pas thugs rgyud nye bar smin pa'i sgo nas dbang bka' de dag legs par zhus |
de mtshams re zhig nas dge 'phel ri khrod sogs su rtag par bzhugs te slob tshogs chos tshan snga phyi ci rigs pa rang rang so so la thun mong rig gnas sna tshogs dang thun min dbu phar sogs mdo phyogs bka' pod rnams dang sngags rim chen mo sogs gsang chen theg pa'i gzhung lugs nye bar mkho ba gang dag ci dgos thams cas bshad khrid zab rgyas dang bzhung lugs de dag gi dka' gnas rnams legs par bkrol byed kyi khong gis brtsams pa'i dbu phar gyi rnam bshad chen mo sogs dus snyigs ma'i dbang po rtul po rmongs pa'i rang bzhin can dag la ches rab gsal byed pa'i zhib bshad kyi yig cha mang po gsar 'jog gi sgo nas gdul bya slob tshogs kyi rgyud dang mthun pa'i yang dag gi chos kyi nyin byed 'od snang gis slob rigs pa gang dag gi rmongs mun gzhi nas gzhol bar mdzad pa dang chabs cig shes bya'i gnas la blo gros kyi sgo kun nas bkra ba'i rnam par dpyod pa'i 'dab brgya kun nas rgyas par mdzad pa'i nges don bshes gnyen chos kyi nyi ma chen po'i mdzad bzang gi spyod pa la legs par gnas ngos nas nyid dgung grangs zhe lnga sogs su lha tshe skyabs mgon karma chos grags rgya mtsho'i zhabs drung nas kyang | sngags rnying phyogs kyi zab chos kar gling zhi khro skor gyi zab bka' sna tshogs dang khyad par skyabs mgon nyid kyis chos skyong khyab 'jug chen po'i gza' dbang bskur dus bka' gtad mdzad tshe mdun cog steng lha chen gza' mchog rAhula dngos su phebs nas bsrung ba'i gnyer gtad khyad par bas bka' legs bsgo mdzad cing | 'di skabs gong 'og ci rigs shig tu dam pa mchog gang nyid dgung grangs lnga bcu la nye skabs tsam na khong la gsung mi 'byon pa'i snyun nad kyi rnam pas khams mi bde ba byung nas skyabs mgon gyi sku drung du re zhig bzhugs skabs nyin cig glo bur du mtshan mo zhig la skyabs mgon nyid gcod chas dang bcas legs phebs mdzad de dam pa 'di dang mnyam du pha gi chu mig cig la lan 'ga' khong rnam gnyis kyis phar tshul 'gom stabs kyi mthar skyabs mgon nyid gnas de kar bzhugs nas zab mo gcod kyis gnyan chen mtha' gtad kyi las tshogs mdzad pa na dam pa 'dis gus pas legs nyan byas rjes khong rnam gnyis 'phral du rang rang gi gnas su bzhud cing | de'i phyi nyin nangs snga mor dam pa 'dis nyid kyi mched nye char yod pa la da lta yi ge 'bri gzhi saMbhoTa zhig dgos pa'i brda mdzad pa bzhin phyag tu phul tshe khong gis bla ma skyabs mgon nyid la gang gi gsang gsum gyi mthu nus rlabs che bas khong nyid la phan thogs rgya cher byung nas sku gegs legs bsal gyi mdzad sgo'i thad nas che ba'i bsngags brjod kyi bstod tshig sdeb legs snyan mdzad bsdus gsal zhig bris te legs 'bul gyis bka' drin nye bar gso thabs kyang mdzad | de nas bzung sku gegs sangs kyis song ste skyabs mgon mchog gi mdun du de phan khong reb tsam bzhugs nas phan tshun chos bka' zab mo gnang res dang bcas thugs snang