[A:418] tsam rang la yod pas kun gyis yid ches par mdzod cig | ces sogs gsung gnang zab mos slob tshogs gang dag gi re ba ji bzhin skong bar ma zad slob bu de dag bag 'khum zhing sems gzengs pa'i ngang nas yid la rnam rtog ngan pa'i 'gyur sgo rang shugs bsdams te sgo gsum gyi spyod pa kun nas bag yod pa'i brtul zhugs la rang dbang med par legs gnas mdzad par gyur to | | 'di skabs shig la dgon pa'i nub phyogs su khong gis thig rtsa ba mdzad de mchod rten che ba legs bzhengs gnang | sde dge'i ta'i si tu pad ma dbang mchog rgyal po la yongs 'dszin gyi phyir rje 'di gdan 'dren zhus kyang ma phebs pa yin |
dgung lo lnga bcu'i nang skor gyi re zhig mtshan nas bar 'ga' ma gtogs dge 'phel ri khrod sogs dben gnas 'du 'dzi dang bral bar rgyun bzhugs mdzad de slob tshogs ci rigs la rtag par rang rang gi re ba 'dod pa bzhin gyi chos sbyin zab mo legs gnang gi mdzad 'phrin nam yang chad med kyi ngang nas spyir na rje nyid kyis rgyal ba'i bstan pa rin po che la ches gsal gyi bya ba rgya chen mdzad rim yang rgyal ba thub dbang mchog gi bka' bar pa'i dgongs pa snang med dbu ma rang stong gi lta grub 'dzin pa bod phyi rabs pa rje yab sras rjes 'brang yig cha ba dang bcas pa'i bzhed dgongs ji bzhin gsal bar byed pa'i bstan bcos mdo phyogs bka' pod lnga las phar phyin gyi 'grel bshad ches shin tu rgyas pa glegs bam pod chen drug dang phar phyin 'grel chung dum gcig ma dang chos mngon mdzod kyi dgongs 'grel phung lnga'i rnam bshad 'jig rten khams kyi zhib bshad sogs dang tshad dgongs gtsor byas bka' pod lnga'i dgongs 'grel mchog gyur sngon med kyi legs bshad bsdus grwa'i spyi zur lhan thabs bcas dang 'dul ba la nyer mkho dge tshul slong gi phyir bcos kyi las chog sogs dang bka' bar pa'i dgongs 'grel dbu ma rig tshogs kyi dgongs don slob dpon zla ba'i zhabs kyis ji bzhin bkral ba ltar bod phyi rabs pa'i dgongs bzhed kyi rjes su 'brang te zhib rgyas su legs par bshad pa dbu ma bstan bcos pod chen gnyis sogs rgyal ba'i dgongs pa mtshan nyid theg pa phyogs kyi tshul yongs grags ltar ches gsal mdzad cing | khyad par kun mkhyen jo nang pa yab sras brgyud 'dzin dang bcas pa'i bka' tha ma phyir mi ldog pa nges don dbu ma chen mo'i rang lugs las brtsams te mdo phyogs lam rim rgyas 'grel chen mo dang sngags phyogs rgyud sde spyi'i dbang chog rdo rje 'phreng ba | bde mchog rab 'byams | dus 'khor dbang chen rnams kyi cho ga zhib rgyas su bkral ba dang | dus 'khor cho ga'i gsal byed sngon 'gro'i khrid rgyas pa bskyed rdzogs kyi rnam bshad chen mo gnyis | sgom rim | hakSa'i rnam bshad | bla rnam gyi 'bru 'grel | dkyil 'khor rgya mtsho'i thig yig sogs rang lugs sgrub brgyud kyi bstan pa sgo kun nas gsal byed kyi legs par bshad pa ches mang po dang | rang re'i chos lugs la rgol ba