[A:419] lung rig gis tshar bcad pa sogs kyi mdzad sgo nges par gnang ba dang | gzhan yang bstan pa ris med phyag chen bka' brgyud pa'i gsang chen zab mo'i theg pa gsal bar byed pa'i nAro'i chos drug gi sgom rim spyi don cha lag skor sogs dang | sngags rnying phyogs kyi 'od gsal rdzogs pa chen po'i lta ba rnam mkhyen du sgrub pa'i rigs pa bdun phrag gi nges pa rang stobs kyis rnyed de gnas lugs gdod ma ka dag gi gsang lam ches zab pa'i gnad don la myong bas rang byan tshud pa'i sgo nas gsang chen mchog gi chos sgo nye bar spel ched kar gling zhi khro'i khrid yig dkyil 'khor bri thig rtsig thabs kyi tshul rnam bshad khrid yig 'don cha sna tshogs sogs mdor na mdo sngags kyi bstan pa spyi la rlabs chen gyi bya ba byas par ma zad thun mong rig gnas rtsis dkar nag la nyer mkho'i rigs du ma dang tha na grong chog gi cho ga'i 'don 'grig tshun chad bstan 'gro la phan pa'i sgo gang thad nas 'di ma mdzad snyam pa med nges kyi tshod du 'dug pa'i mdzad sgo che zhing | khong gi sku tshe 'di skor kun tu spyir na slob tshogs chos tshan du ma la rang rang dang 'tsham pa'i gzhung lugs kyi bshad khrid nyin re bzhin dang de'i snga phyi gnyis su gsung rtsom ldeb bu mda' tshad ma sum cu tsam re rgyun rtsom dang yon chab stong phrag re rgyun bshams 'chag med lta bu byas te khyon yongs bsdom glegs bu pod chen nyer gcig lhag gi gsung rtsom mdzad pa sogs rnam dkar rlabs che ba'i dge la rtag par gzhol zhing | khong gis nyin gyi chos spyod de 'dra'i ngang nas mtshan mo gzims mal du ljags bsnyen rgyun bzlas chad med mdzad pas sku tshe gang bor a ra tsa dung phyur drug dang hakSa dung phyur gcig sogs yi dam gyi bsnyen pa sna tshogs dung phyur bcu gsum tsam bsnyen bzlas mdzad cing | de 'dra'i mdzad chen gyi lung skabs byung ba ni nges par so skyes la las rnam par 'das shing 'phags pa mchog gi mdzad bzang la nges par gnas pa'i rtags khyad par ba ste | khong gi zhal nas | mdzad pa de 'dra rlabs che ba rnam g.yeng ba mtha' dag spangs pa'i kun bzang gi spyod pa ches khyad par can du nges par gsungs pas nyid kyi phyir | rgyal ba'i dgongs 'grel gzhung lugs de dag gi dgongs gnad kyi don yang khong nyid kyi nyin gyi thugs snang dang | mtshan mo rmi lam 'od gsal gyi ngang ci rigs la lhag pa'i lha 'jam dpal dang dbyangs can lha mo dngos kyis zhal nye bar bstan nas zab don gyi gnad legs bkrol dus dus su mdzad cing | bar 'ga' la 'jam dbyangs bzhad pa | skal bzang go shri | thu'u bkwan thams cad mkhyen pa sogs sngon byon mkhas pa'i dbang phyug gang dag dang zhal phrad kyi dag snang gi sgo nas phan tshun chos kyi zab don la brgal brtag gis thag chod mdzad nas gnad 'gag khrol dka' ba'i gzhung don la nges pa zab mo dpyis phyin legs 'khrungs kyi skal ba bzang po dus dus su thob par mdzad pa'i legs sgo khyad mtshar can mnga' zhing | de yang 'jam dbyangs kyi rnam par 'phrul ba gang dag la 'jam dpal dpa' bo'i zhal gzigs kyi rnam par rol pa'i mdzad sgo