[A:421] med du der gnas kun gyi mthong snang mnyam por byung la | gzhan yang rnam par dkar ba'i mdzad sgo khong gi mched bla ma zla grags la mkhas grub rjes mdzad pa'i dus 'khor 'grel chen gyi yi ge glegs pod cha tshang bris bzhengs kyi bskul ma mdzad pa sogs sku gsung thugs rten ci rigs pa legs bskrun gyi bsod nams bsags sgo yang byas |
khong nyid kyi thugs slob kyi rim pa yang lung dang rigs pa smra ba'i skyes chen dam pa phur rtsa bla ma blo rgyam | ri 'phongs bla ma ngag bstan | 'dzam ngos bla ma ngag dbang | ka thog bla ma 'jigs grol | ngang ba bla ma ngag bstan | rgya tshogs bla ma sgra dbyangs | rong ba bla ma rab ldan | chos rje'i lung mkhas | yu ngog sprul sku blo bzang | gser dung dkar dbon po dang | ke rgya bla ma bsod nams dbang phyug sogs don gnyis mi dman pa'i 'gro phan gyi mdzad sgo can bstan pa'i rtsa lag tu 'os pa mang po zhig yod la | de dag yang dag chos kyis legs bsdu mdzad de gang la gang 'dul gyis rjes su bzung ste thabs mkhas pa'i mdzad pa mchog gis legs bskyang gi sgo nas slob tshogs so so la mi bde ba ji ltar 'byung nye ba gang dag la bsrung rim che ba'i stabs gzab ci yang mi dgos--------ng nyid kyis thugs khros tshul drag po'i rngam stabs kyis bka' bkyon she ba'i drag sngags mchog gi bka' bsgo ba tsam gyis 'byung 'gyur gyi bar chad mtha' dag legs bsal mdzad cing | nyid kyis slob tshogs dbang po rab 'bring tha ma'i rgyud dang mthun par de lugs ltar gyi rjes bzung mdzad pas rang rang gi rgyud dang 'tsham pa'i yon tan gyi sgo yang tshul de lugs bzhin slob bu dag gi rgyud la 'byor nges su 'dug pa kun gyis shes gsal ltar dang | gzhan yang smyo nad kyis btab pa'i mi gnyis tsam khong gis thabs mkhas kyis rjes bzung mdzad pas mi de gnyis dran pa slar rnyed de rang bzhin par gyur pa sogs gdul bya rjes bzung gi mdzad sgo gzhan las khyad par du 'phags pa zhig ste | khong nyid dgung lo nga drug gi skor du 'dzam thang gtsang pa'i rdo rje slob dpon rtogs pa'i sgo rab tu yangs pa ngag dbang don ldan gyis ngor byas te | gang gis dus 'khor sbyor drug gi spyi don rang stong gzhan stong gi khyad legs phye mdzad pa'i sgo nas zhib bshad kyi yig cha pod gcig gsung rtsom mdzad de de'i bshad khrid gtsang pa'i grwa tshang gi 'du khang chen mor skyes chen dam pa mang pos dbur bcas 'dus sde brgya phrag lhag tsam zla ba gnyis kyi ring du gsang chen theg pa'i chos sgo rgya cher legs phye mdzad |
dgung lo nga drug gi rjes sam gong 'og ci rigs su 'dzam thang gtsang chen pho brang du nyid kyis dpal 'khor lo sdom pa grub chen nag po'i zhabs lugs ltar dkyil 'khor gyi blos bslangs phyi nang gi bkod pa yongs su rdzogs pa bzhengs pa'i thig tshad kyi slob dpon mdzad nas grub rjes rab gnas kyi