[A:420] nye bar ston pa'i brdzu bag tu 'phrul ba bzhin no | |
dam pa mchog gang gi thugs la 'khrungs pa'i zab mo gnas lugs kyi lta ba'i gtso bo sku tshe stod du dbu ma rig tshogs kyi dgongs pa ltar dpyad sgom gyis spros bral zab mo'i gnas lugs ji bzhin mngon du byas tshod du 'dug kyang mthar thug gnas lugs dngos la reg skabs rang lugs spros bral mi rtog mchog gi rang zhal rang sa nas mjal ba dang rnam pa kun nas khyad med du song ste gdod ma'i nang dbyings nyag cig tu dgongs chub de lugs ltar kho na nyid du gshis thog gcig pur grol zhing | khong gi zhal nas | gsal nyams gcig gi ngang las pha gi mdun ri'i rdul phra rab kyi grangs chod nus tshul zhib par gsungs pa ltar thugs la ting nge 'dzin gyi ngo mtshar ba mtha' klas pa 'khrungs nas de'i ngang du mnyam par bzhag pas tshe rabs sngon gyi gnas mdo khams byang gi bla brang dgon gyi chos grwa yongs rdzogs kyi gnas tshul gsal po sogs dang | da lta khong gi nye 'khor ba dag gi sems kyi 'gyu sgo 'dra min sna tshogs dang lkog gyur gyi las ka mang po'i yin lugs dang ma 'ongs 'byung 'gyur gyi bde sdug ji ltar yong ba'i tshul gsal po sogs dus gsum du gtogs pa'i lkog gyur gyi gnas tshul ji bzhin legs gzigs mdzad pa'i lo rgyus bsnyon med rdzun dang bral ba ches mang yod la | khong gis phyag bzo'i ras kha gang ma'i gzhi khyon la dus kyi 'khor lo'i thugs gsung sku'i dkyil 'khor yongs rdzogs thig tshad dang ldan pa dang | gzhan yang rgyud sde spyi'i phyi dkyil gyi bkod pa kun nas tshang ba sogs spar gzhi ngo mtshar ba du ma legs bskrun mdzad cing khyad par sngar sde dger bzhugs skabs sgrol ma rnal 'byor ma'i rgyud mchan bu can 'jam mgon tAranAthas phyag bris te kong sprul gyi thugs dam 'bral med gzims khang las phyir mi phud pa de ldeb thung brgya tsam nub gcig la dpal 'bar la brten nas dpe byas te phyag bris legs zin nus pa sogs mdzad sgo che ba gang thad nas rtsol sgrub ji ltar byas kyang lus sems kyi shin sbyangs khyad par ba grub pas dka' ngal gang yang gzhi na mi 'dug cing | mthu nus yang 'jam dbyangs kyis rjes bzung mi pham rnam par rgyal ba dang nus pa 'gran skabs mi pham gyi ngag nus zab mos ser ba shugs drag skad cig la phebs dus dam pa khong gis de ma thag nab stod brdab chog gis nyi ma shar bar byas pa dang | mi pham gyi zhal nas | nga mkhas pa mang po dang mjal yang 'dzam thang ba dge legs lta bu'i mkhas mchog deng sang mjal dka' bas ngas kyang brgal brtag gis khong la lan spobs cher mi nus ces bsngags brjod byas pa'i lo rgyus bshad du yod la | khong nyid ma yum 'das pa'i rus chog tu bzhugs skabs dkyil 'khor du bum pa rdzas ldan bzhag pa la bum chu rang khol byung zhing | rus tsha rnams ches 'od 'tsher zhing gsal ba'i rang bzhin ni shel mdog tu dngos su gyur te rgyud las | de nas mchod rten 'bar gyur tam | | zhes sogs gsungs pa ltar gyi 'grub rtags khyad par ba nges par bsnyon