[A:426] cing | phyogs thag ring zhig nas gsa' karma zhes pa chus khyer ba'ang ji bzhin gzigs | khong nyid nas mthu sgrub kyi gong bzhugs 'dra byed skabs thog mar dgra ling bri dus nas dgra bo'i rnam shes dngos su khug nas ngos 'dzin byed thub pa dang | rang dgon gyi mtshams grwa pa gang dag la gnod 'tshe byed pa'i rgyal gdon phyogs nas 'ong ba sogs mi min 'byung po'i glags lta tshul ji bzhin gzigs pa thog tu khel ba sogs lkog gyur so skye'i spyod yul las 'das pa mngon sum snang yul du byed pa'i mkhyen bzang legs ppar mnga' la | gzhan yang khong nyid kyis dus 'khor lugs kyi ye shes khyung khra'i bsnyen sgrub mdzad pas zhal dngos su gzigs shing 'di'i bsnyen pa'ang snga phyi kun tu dung phyur gcig tsam gsungs | yi dam rta mgrin gyi bsnyen pa'ang dung phyur lhag ljags bsnyen mdzad cing lam rim gnyis kyi rtogs pa sgo gang thad nas ches mchog tu gyur te | khong gi sku tshe smad tsam la thugs su g.yeng ba spu tsam mi mnga' zhing bar 'ga' slob bu dag pa la legs nyes 'byung 'gyur ji ltar 'ong ba'i tshul thugs snang du ji bzhin ston cing sman gyis 'tsho dkar ba'i nad mang po sel bar mdzad pa sogs 'gro la phan pa ci tsam che yang lan dang rnam smin la thugs 'dun gyi re ba med nges kyis rlabs po che'i 'gro phan gyi sgo rab tu yangs pa sogs byang chub sems dpa'i bsdu bzhi'i mdzad spyod la gnas bzhin sku zhal ras rgyas shing brjid bag che ba gsung khyad 'phags kyis nyin rer mdo sde skal ba bzang po sgra dag pa'i sgo nas dal zhing lhod pa'i sgra zur ji bzhin pa nyid kyis dag tshar lhag 'gro ba thugs byams brtse rgya che bas nyam thag gi 'gro ba kun la khyad med bu ltar du gces spras dang phan 'dod yod pa sogs gsang gsum gyi mdzad sgo de lta bu'i ngang nas mdzad pa mthar phyin pa'i skyes chen 'gro ba'i skyabs gnas kyi rje bo dam pa zhig ste 'di nyid dgung grangs don dgu shing phag gi lor a gter dpa' bo chos dbyings rdo rje'i brda lung las | dgung grangs brgyad cu la rkyen dbang gis gcig phri zhing yang na bzhi grangs 'phel srid par gsungs pa ltar 'dir zhabs rkang bsnyung ba'i rkyen gyis khams ma snyoms pa byung dus a gter gyi lung bstan ltar phur sgrub tshogs 'bum sogs kyi zhabs brtan legs grub skabs gter ston nyid byon nas tshe sgrub sogs dang bcas bzhugs zhus legs 'bul mdzad tshe khong gi zhal nas | da dung bzhugs pa la spros ba yod yod ltar gyis don la mi bzhugs pa'i gsung zur gnang ba na | gter ston mchog gis thugs ngo mtshar nas da lan khong gi thugs srog gi ngo bo'i yi ge'ang zhan cing tshogs 'bum sogs yang mkha' 'gro'i bsu ma da dung sdod yod pas gang ltar yang mi bzhugs par thugs thag bcad | 'di skor ci rigs su khong gi zhal nas | sku dbon dam pa la rjes sor 'gro lugs gang thad kyi zhal bkod bla ma rin chen bzang