[A:431] gyi ngos nas bdud rtsi'i rgyun snga phyi du mar dngos su rdol ba der gnas kun gyi thun mong gi snang ngor bsnyon du med pa mngon gsal du gyur cing | dam pa 'di nyid kyis gsung chos yang zhal gdams sems khrid | gsol 'debs | smon lam sogs 'ga' re yod | 'di nyid kyi gsung skad la ngag sgrib dag pa dang | sgo gsum gyi spyod pa la dang ba gsum ldan gyi che bsngags skyes chen dam pa du mas brjod ces grags skad | yang ra shug ri khrod du 'jigs byed ro langs brgyad skor gyi dbang bskur mdzad skabs bum chu yun ring po'i bar zad pa dang rul ba gang yang med par khrus sogs gang 'dod byed chog pa byung ba'i lo rgyus kyang yod |
dam pa gang gi rgyun kun spyod zhal 'don rgyun 'khyer thun bzhi 'chag med | thun mtshams su dpe khrid ci dgos mdzad cing | slob tshogs la zhal ta yang | dge sgrub sdig spang gi tshul du ma dang | deng sang chags sdang bsags pa la jo ser rnams su las thu tshul gyi bslab ston nan mo yang mdzad la | thugs rgyud byang chub kyi sems la rtag par gzhol zhing khong nyid zhi ba lha'i rnam 'phrul du zer srol yang yod | khong gis bya ba las kyi 'khor lo yang yig drug gi dung 'khor gsum dang | khri ldan | dngul kyi mchod rten gnyis | jo dar snga phyi kun tu grangs chod dka' ba | lo dus bar bar du dbyar la tsha tsha sku spar grangs mang 'debs pa | skal bzang rdo brkos sogs nyid la dngos rdzas gang yod rnam dkar bsod nams kyi yon thang du gtsang dag mdzad pa sogs bgyi ba don ldan 'ba' zhig gi ngang nas dus 'da' ba zhig go | |
de lta bu'i tshul gyis khong nyid dgung lo re dgu'i dus tsam na dus kyi 'gyur ldog che ba'i dbang gis gnas skabs gzhan du song gshis khong gi zhal nas | slob bu nye 'khor ba gang dag la | da lo yul khams 'dir nas sdug cing khyed rnams kyis kyang las 'bras la khyad bsod mi byed pa tsam re sems la zungs | gzhan de lugs ltar bshad du 'os pa tsho la yin lugs re shod cing | ces gsungs nas lo der nyid kyi na bza' sogs rgyu rdzas che phra mtha' dag mchog dman kun la chos yon ma yin par rang dgar gnang sbyin mdzad nas gtsang dag byas te sku ring du mi bzhugs tshul gyi gsungs zur kyang mang po byung |
de'i lo phyi ma lcags mo bya'i lor nyid dgung grangs bdun cur slebs skabs zhal gsung las | sngon chad khams pa gter ston gyi brda lung las | kho bo lo re lnga'i dus shi na bde ba can du 'gro zhing | bdun cu'i skabs shi na shambhalar skyes nas dpal bde ba mchog gi sgyu lus 'grub par lung bstan cig kyang yod pas da lo rang shi na thang | 'di'i sgyu lus zhes pa ni gzhan min par dus 'khor lugs kyi