[A:432] sgyu lus de red | ces gsung | de nas zla ba gcig tsam gyi ring la thun mnyam bzhag tu bzhugs skabs thang rer grol mtshams dus su byung zhing bar 'ga' la nub thun nangs snga mo las mi grol ba sogs mdzad sgo nges med cig tu gyur te khams kyang cung mi bde ba'i rnam pa re yang byung | 'di skabs sku mdun du su song yang | nyid kyi zhal nas | da tshod ma 'ongs na dga' | bdag la nad yod pa ma go zhing sems bde ba kho nas dus 'da' ba zhig byung | gsung | de phan khong gis brda ma byas par su yang sku mdun du 'gro ma nus | skabs 'gar zhal nas | kho bo'i nad kyi tshul la sems gdeng sogs che cher yod pa 'dra yang | khyod cag gis nad che chung dri ba med par rang dgar bzhag na lus sems bde ba 'ba' zhig ma gtogs nad dang sdug bsngal sogs mi bde ba gzhi na mi 'dug go | | zhes gsungs shing | bar 'ga' la zhal gsung las | bdga shi na'ang yul gyi rgan rgon tha mal rang ga ltar las thugs dam zhes pa gtan nas med nges yin pas rang skor nas phung po 'di thal ba re byed thabs byung na legs tshul kyang tang yang gsung gin 'dug cing | lo de'i hor zla gnyis pa'i tshes dgu'i snga dro tsam na nye gnas slob 'ga' la zhal nas | da ni khyed cag gis byin rten gang dag sbyong la kho bor lud cig | gsung | de ltar byas nas slob tshogs kyis nyid mdun du yan lag bdun pa re 'bul mthar nyin de'i phyed la thon tsam na khong gi zhal 'dzum pa dang bcas a mtshar gyi tshig re gsung bzhin spyan gnyis lta stangs mdzad de rlung phyir bus pa nang du rngu bas nas dgongs pa rdzogs tshul du bzhugs te sku gshegs | sku gzi mdangs dang bcas phyi nyin nyi shar tsam nas thugs dam gyi rnam pa'ang med par gyur te gdung chas gshegs mchod sogs kyi tshe sku la bum lto dang gsang ba sbubs su nub pa'i mtshan dang dri bzang gi ngad 'thul ba sogs kyi rtags ngo mtshar ba byung zhing | de dag gi skabs mkha' la 'ja' sprin dang gdung la me mchod dus su rus kyi sgal tshigs ya yo med par yun ring bsdad pa sogs dang bcas gdung bzhu gdung tsha sogs bgyi ba gang dgos legs grub bgyis shing | nyid kyi thugs slob sogs kyi rim gong smos ltar ro | |
bya yur dgon gyi bla ma mtshan bzang |
12. gtsang chen sprul pa'i sku gsum pa dang gtsang pa dge slong zung gi dngos slong ngag dbang chos kyi 'phags pa'i thugs sras mchog tu gyur pa bya yur 'dzong bo bla ma mtshan bzang gi lo rgyus ni | dam pa 'di nyid la 'dzong bo skyabs mgon zhes grags shing | de yang 'phags pa 'jig rten dbang phyug gi rnam par 'phrul ba'i cha shas dang | bod gangs ri'i ljongs kyi grags par mngon par mtho ba sa skya'i gong ma rnam lnga'i ya gyal 'gro mgon chos rgyal 'phags pa'i yang srid du'ang dam pa mang pos che bsngags yang yang mdzad pa'i 'gro 'dren gyi skyes chen mchog tu gyur pa zhig ste | de 'dra'i bla ma dam