[A:434] 'ur sdod mi tshugs pa dang | sor sud du rtags bcu lha mo nus ma dag gi rnam par ches cher mthong ba dang | bsam gtan skabs stong gzugs rab 'byams sngar las ches cher mched de thig le'i dbus su zhing khams dang sangs rgyas kyi sku'i rnam pa 'dra min sna tshogs pa brjod pa'i yul las 'das pa sogs lam rang rang gi myong rtags khyad par can de dus su mtha' klas pa nges par byung zhing | khyad par khong gi sku tshe smad tsam du ni nam zhig 'od gsal ma bu gcig 'dres sgom stobs las byung ba lam gyi gnas skabs yan lag drug gi rtogs pa yar ldan du son pas chos nyid don dam pa'i gnas lugs zab mo'i dag snang 'ba' zhig la rtag par longs spyod pa zhig tu'ang song skad | da lan nyams len 'di skabs su thog ma de 'dra'i tshul gyis bsgom par mdzad ring rdo rje 'chang ngag dbang chos kyi 'phags pa'i mdun nas | zab bka' thob rim | rdor 'phreng yongs rdzogs | bA ri'i lugs kyi rjes gnang brgya rtsa | sbyong rgyud | dus 'khor dbang chen | shangs chos skor cha tshang | kun mkhyen rje btsun bcas kyi gsung 'bum | rwa lo'i man ngag | rtogs bdun 'grel bshad skor | mgon po'i man ngag po ti me 'bar | khyung sgrub skor sogs legs gsan mdzad | sbyor drug rjes khrid skabs bla ma chos 'phags kyi zhal nas | mtshan bzang khyod nam zhig 'dzong bo skyabs mgon zhes 'gro ba'i re yul mchog cig 'ong ngo | | zhes de lugs ltar lung bstan gyis gzengs bstod kyang gnang |
dgung lo nyer gcig skor rdo rje 'chang de nyid kyi drung nas naigu'i zab khrid zhus te zla ba bcu gsum du nyams len myong rtags dus su thon pa re byas | 'di skor du ra 'obs grong sde'i mi khyim zhig tu khong bsrung rim la yod skabs gdon gyis bande zhig gi sems bslad de'i 'khrul pa sangs par byas tshe | de na re | mdang rmi lam du ban rgan zhig gis thang chen du mar gong lta bu phyed gshags kyis dang rang cag gis so sor 'khyer 'gro | zer ba rmis tshul bshad | de sngon bla ma'i zhal nas | khyed la bar chad re yod kyang skyon med par lung bstan pa de dus thog tu khel nas nyid la gnod byed kyis glags ma rnyed |
dgung lo nyer gnyis su rta mgrin | 'byung 'dul | 'jigs byed 'bru non gsum la bsnyen tshad btang zhing | dgung lo nyer gsum nas nyer dgu'i bar la rim par 'jigs byed 'bru non bsnyen tshad gnyis | snyan brgyud bsnyen tshad gnyis | de'i yan lag uSNiSa'i bsrung bzlog bsad gsum bcas dang | mgon po brag rdzong ma bsnyen tshad kha skong | de'i mdun bsnyen sogs la rim gyis bzhugs shing | bla ma gang nyid kyi mdun nas | snga phyi rnams su dus 'khor dbang chen sogs rgyud sde 'ga'i dbang dang | rje btsun gyi bka' 'bum las byung ba'i rgyud sde rab 'byams yongs su