[A:435] rdzogs pa | phur pa sa lugs cha lag bcas sogs thob | gzhan yang bskyed rim | rdor shugs phub chen | dus 'khor lha dgu dang yongs rdzogs | tshe sgrub | mi 'khrug pa sogs bsnyen tshad kha skong bcas legs grub mdzad |
dgung lo sum cu nas so gnyis bar 'dzam thang gtsang pa'i sgrub grwa gsar 'dzugs kyi dus su lo gsum la bzhugs ring | bla ma chos 'phags | lha ba bla ma | lha tshe skyabs mgon | rgya bla ma | sbyangs pa bla ma | lha bzo bla ma rnam rim pas phebs te sbyor drug gi chos skor cha tshang re re gsungs shing | de dag las | bla ma chos 'phags | lha bzo | sbyangs pa gsum gyi bka' drin la brten zab lam nyams rtogs kyi rang rkang tshugs pa byung zhing | de skor khong nyid 'brum nad kyis bsnyun skabs nyams snang du lha mo ljang gu phyag na shing thog skag tshos kyi mdog lo ma ljang lam me yod pa des nyid kyi sku lus la byugs pas zug rngu mtha' dag bsal te lus bsil zhing sems ches dang bar mdzad pa rgyun du byung ba'i bsnyung gzhi las rim par grol zhing | de yang skabs shig tu rmi lam gyi snang bar rang yul gyi stod smad bar gsum du nad bdag ban gzugs sna tshogs pas gang 'dug pa skya mi dkar po phyag na mdung dar thogs pa zhig gis de thams cad la rang rang dang mthun pa'i 'dod rdzas rgya cher sbyin te mtha' dag rang gnas su bskrad pa nas bzung bsnyung nad je dwangs kyi mgo brtsams te rim gyis sos pa'o | | bla ma'i zhal nas | de skabs kyi lha mo rje btsun sgrol ma dang mi dkar de rang yul gyi kha bsrung bon po de yin pas nam zhig rang gnas der sdod khang byas na bstan 'gro'i don yang tshul gyi lung bstan kyang mdzad | de nas lo bar pa'i nag zla'i tshes bcu bdun nyin bla ma chos kyi 'phags pa sgrub khang du phebs te gzugs sku chos dbyings su bsdu ba la nye skabs nyid mdun du | khong gis nyams chags bshags ched yig brgya bye ba bzla bar khas blang tshe | bla ma'i zhal nas | khyed la nyams chags cher med pas sngar bzhin nyams len la rgyun du 'bod dang de lhag mi dgos pa'i tshul sogs zhal ta zhib rgyas su gnang nas zla ba de'i tshes bcu dgur bla ma dag zhing du gshegs rjes dgongs mchod yang dag pas thugs la nyams rtogs kyi bogs sngar las che ba thon |
dgung lo so gsum steng sngar gyi dgon pa der sgrub gnas dgon khang gsar brtsigs byas nas der rtag par bzhugs te bskyed rdzogs kyi mtshams sgrub kyang mdzad bzhin lo shas bzhugs mthar dgung lo so drug skor tsam na gtsang pa'i slib chen bla ma tshul khrims bla tshab tu mgo log phyogs la phebs pa'i bla mchan lo gnyis tsam du mdzad dgos byung |
dgung grangs so stod tsam na rnga yul du phebs te 'brog dge yon tan rgya mtshos mkhan po mdzad de dge 'dun grangs tshang gi mdun nas | bsnyen par rdzogs pa'i sdom pa legs mnos kyis 'dul ba