[A:438] mgu chen po'i ngang lo gsum bzhugs par zhus kyang khong gis lo gcig las zhal bzhengs ma gnang bar ma zad rjes sor ri 'phongs bla ma chos rab bla tshab tu byon mi dgos pa'i bka' gnang yang chud | der khong nyid bzhugs skabs byang ra rgya'i dgon gyi chos grwa nas sngar sge bshes lha ram du bud cing bskyed rdzogs pa'ang sbyang stobs che ba khyig shul dge bshes zer ba zhig yod pa de'i khyim gzhi mi tshang zhig yod pa'i bu grir shi ba'i gshin chog gnas 'dren du khong nyid grwa 'khor bcas phebs nas khrus chog 'pho ba rgyas par mdzad rjes su mi khyim de'i nye 'khor gzims gur du dge shes bzhugs pa 'phral du grongs song ba ltar gyur skabs khong nyid byon nas tshe 'gugs shig mdzad pas dge bshes nyid sku ma grongs par yar sor chud | de dus dge bshes na re | bdag ni dge bshes ming thogs shig ste bde mchog gi bskyed rdzogs la sbyang stobs cung tsam yod pas tsha bu'i rnam shes yi dam thugs srog sngags 'khor bcas kyi 'og re zhig gab khul bgyis kyang khyed kyis 'pho ba mdzad pas rang sems gshin rje'i rnam shes bcas skad cig la gnas spar bas rjes sor nyid kyis tshe 'gugs ma mdzad na rang nyid kyang da skabs slar mi gson par nges thag chod pas khyed rgyal ba jo nang pa 'di spyir lam zab kyi mthus rlung sems la dbang thob cing khyad par don dam byang chub kyi sems khyad par ba thugs su ji bzhin dgongs chub mdzad pas deng dus su su las yon tan gyi sgo mngon par mtho ba 'di ches ngo mtshar ba'i gnas lags te | khong sngags gsar ma pa yang mdo sngags gang gi skabs chos kun bden med du gtan la phebs pa'i sgo nas mdo sngags la nyams len byed pa mang na tshe gcig la yon tan 'di tsam 'khrungs thub pa ches dkon par 'dug pa sogs che bsngags rgya che ba dang bcas pa'i sgo nas yon thang brgya 'bul gyis zhabs 'degs bla med mdzad | yang cig tu a skyong dpon rin chen byams kyis khong grwa 'khor gdan 'dren byas nas bsrung rim bskang gsol tshe 'gugs sogs ci dgos thams cad kyis re 'dod bskangs nas 'phral rkyen 'jigs pa kun legs bsal mdzad pa la dngos 'bul rgya cher bgyis kyang gang yang ma bzhes par sngon bla brang za gzi brjid sgrol mas rten skal du 'ong rgyu'i thub pa'i gser sku khyad mtshar ba tsam ches nan 'bul gyis bzhes dgos byung | de phan a skyong dpon khag dang byang bla brang sku phyogs 'jam dbyangs bzhad pa bcas kyis 'byung 'gyur legs nyes la thugs brtag dang 'di phyi'i 'jigs skyobs kyi bla mar gus pas bkur | mgo log tu sku phyogs mkhyen sprul byon pa'i drung nas | zhi khro'i dbang lung khrid gsum zhus shing khong nas kyang phar la sbyor drug bsdus khrid rjes gnang byin rlabs yang mdzad |
de ltar lo gcig tu 'gro don gdul bya mdzad rjes kun gyis dngos 'bul gyi sgo kun nas 'phyur zhing spung ba lta bu nan 'bul ha cang drag po byas kyang 'os tshod las bdag gir ma mdzad | dngos