[A:439] rdzas gang bzhes dag gis 'dzam thang gtsang pa'i grwa tshang gi 'du khang du khri 'dzin lha bzo sang gis mdzad de 'das sde brgya phrag bzhi tsam gyis rdul tshon la brten pa'i dus 'khor sgrub mchod tshogs pa'i cha rkyen mdzad dus cho ga mi shes pa'i grwa chung dag gis hakSa 'don srol de dus su dar bar mdzad nas gtong phod rgya che bas tshogs bsags sngar srol las khyad du 'phags pa mdzad cing de dus mchod gtor dag la lcags spu me tog can skyes shing mchod chu rnams la me tog sna tshogs babs pa sogs rtags mtshan khyad par ba thon zhing | dam pa khong gi dag snang gsar pa'i 'char sgo sngar las rgyas pa'ang byung | de rjes dngos rdzas gang lhag gis yig drug dung 'khor | zhing bkod sna tshogs pa'i lha ria sogs bsod nams rnam dkar du gtsang dag gis chud zos su gang yang ma btang |
dgung lo zhe brgyad skor a skyong dpon rin chen byams nad kyis kyis thebs nas khong nyid gdan 'dren du 'ong bas der phebs dgos byung ste phur pa'i sgrub chen mdzad pas 'phral rkyen bzlog pa'i 'jigs skyobs mchog tu gyur nas dpon sde kun dga' mgu yi rang nas dngos 'bul rgya cher byas | 'di dus khong dang dge skor bla ma sogs rma chen gangs gnas su phebs te tshogs 'khor mdzad dus nyid kyi thugs snang ngor mkha' dbyings su sangs rgyas byang sems kyis go mtshams med par khyab cing | gnas der dag pa'i zhing mang po'i bkod pa dang gnas bdag rgyal po'i cha lugs su bzhugs pa gsal bar mthong zhing kun gyi mthong snang du'ang rol mo'i sgra sna tshogs thos pa sogs byung | de'i nub khong gi rmi lam gyi snang bar rma rgyal 'khor bcas sngar gyi cha byad kyis 'ong ste rma rgyal gyi rang gi gnas tshul zhib par bshad nas sku tshe la bar chad zhi phyir da lan rin po che'i shel 'phreng zhig skyes su 'bul | zer ba'i snang ba byung | de'i phyi nyin shel phreng zhig kyang dngos su rnyed pa phyis su khong gis bla ma chos 'phags kyi sku gdung dngul gyi mchod rten bzhengs pa'i nang du yod ces grags skad | de rjes rang gnas dgon du re zhig bar bzhugs nas dgung lo nga gcig skor 'dzam thang du byon nas sbyangs pa bla ma kun dga' nges don zhabs pa'i drung nas sgrub thabs rin 'byung gi dbang bka' yongs rdzogs zhus shing | rjes lo gsum tsam du 'dzam thang gtsang pa'i sgrub grwar bzhugs rjes gzims khang du phur pa sa lugs tshom bu 'bum sgrub kyang mdzad |
dgung lo nga drug skor rang dgon du bzhugs skabs shig la na mda' phyogs nas mi zhig smyong nad kyis rang dbang med par bskyod de lugs tu gri zhig thogs nas mtshan mo glo bur du glags lta bar nyid bzhugs pa'i mtshams khang sgor slebs tshe khong gi thugs snying rje tshad med pa'i sgo nas na bza' bzang po'i gnang sbyin mdzad nas de 'phral smyon pa rang gnas su song nas khong la gnod pa ma nus pas 'di yang sngon bla mas da dung 'tshe ngo re yod kyang rta mgrin bsnyen mtshams mdzad na skyon med tshul gsung yod