[A:447] sku chos dbyings su legs zum mdzad song |
de nas zhag gsum lon rjes su khams dkar dmar ji bzhin lud pa'i rtags dang bcas thugs dam legs bkrol sogs kyi tshe nam mkha' g.ya' dag 'ja' sprin sna tshogs | 'od dkar gnam du zug pa sogs bar 'ga' res mos kyis rtags mtshan ngo mtshar ba'ang du ma 'das nyin nas bzung gdung khang phye ba'i bar du byung zhing | slob tshogs kyi gzigs ngor yang dag snang gi 'char sgo ci rigs pa dang bcas gdung mchod gdung bzhu sogs kyi mthar thog mar gdung rus la ring bsrel sran ma'i tshad gsum dang rjes sor der brten ring bsrel yungs 'bru'i tshad tsam brgya rtsa gcig nges par byung la | gdung rten yang gser dngul sogs rin po che las nyer bskrun mdzad pa'i mchod rten khyad mtshar can | khams 'di phyogs su zla dang bral ba'i dpe bzang khyad par ba rab gnas sogs dang bcas slob tshogs yongs kyis legs bzhengs mdzad cing slob bu sos yang dngul gdung du ma gsar bsrun gyi mdzad sgo rab gnas mtha' rgyas bcas sogs kun nas yongs su grub pa bsod nams kyi bsags sgo gang thad du rgya cher ba'i tshul gyis mdzad dgos nye bar rdzogs shing | gang gi thugs slob kyi rim pa'ang gong du ji bzhin smos pa ltar lags pa sogs dam pa 'di nyid kyi rnam thar rgyas pa zhig phyis su skal ba ldan na 'bri 'dod yod pas 'dir de tsam re zhig bzhag go | |
bya yul dgon gyi gdan sa skyong mkhan ngag dbang bstan pa rab rgyas |
13. gang nyid kyi gdan sa rjes sor legs par skyong mdzad ni khong gi'ang thugs sras mchog gyur ngag dbang bstan pa rab rgyas te 'di'i lo rgyus yang 'dzi yul nyin phyogs kyi smad grong sde bya yur zhes par yab wa sgul 'brug skyabs dang | yum kyi za po kya gnyis kyi sras su shing phag lor sku 'khrungs chung ngu'i dus nas rigs phun sum tshogs pa'i rtags mnga' zhing | bskyed bsrings nas dgung lo bdun brgyad tsam la slebs dus khong gi khu bo blo bzang gi drung nas klog yig bslabs nas klog byang bar byas rjes dgung lo bcu gnyis steng bkra shis lha ri'i dben pa'i sgrub gnas su lha bzo rdo rje 'chang gi sku mdun du zab chos kyi sgor legs zhugs mdzad skabs thog ma'i rten 'brel legs nges kyi bla ma rdo rje 'chang gi bka' lung gsal po'i che brjod dang bcas dgyes pas rjes su bzung ste gang gi thugs sras su gyur pa de nas bzung rang lugs kyi zab chos dus kyi 'khor lo'i thun mong sngon 'gro'i rim pa 'bum lnga la brten nas bar ma rab byung gi sdom pa legs mnos kyi sgo nas mtshan ngag dbang bstan pa rab rgyas zhes gsol zhing dbang bskur byin rlabs zab khrid man ngag thun mong ma yin pa gang dgos rnams dang | gzhan yang sgrub thabs rin 'byung | rjes gnang brgya rtsa | bde mchog rab 'byams | gshin rje'i rab 'byams sogs kyi zab dbang rgya che ba dang bcas chos kyis thugs rgyud legs smin khyad