[A:448] par phur du byung ba'i sgo nas lo gsum gyi ring gong ma'i phyag srol bzhin gyi rdzogs rim sbyor ba yan lag drug la nyams len gnad khel bgyis pas grub 'bras mngon par rtogs pa ches bzang rab tu gyur cing bla ma rdo rje 'chang gis ma 'ongs pa na bstan 'gro la phan thogs 'ong tshul gyi che bsngags gzengs bstod dang bcas sbyor drug nyams len mdzad pa nas bzung sgrub pa kho na la gzhol ba'i 'bad 'bung gis slar yang sgrub pa sbyor drug la nyams len lo gcig kyang mdzad skabs dus 'khor dbang chen sogs chos bka' rgya cher mnos pas nyams rtogs sngar las cher rgyas su song |
de nas dgung lo bcu dgu'i skor nas bzung lo re bzhin nas bskyed rim | 'byung 'dul | rta mgrin | 'jigs byed 'bru gnon | mi khrugs pa sogs kyi bsnyen sgrub tshad ldan dang | bsnyen rdzogs kyi sdom pa'ang legs mnos mdzad cing | gzhan bskyed rim sna tshogs dang shangs chos skor la'ang nyams len gnad smin gyis rang don rtogs pa ches cher 'phel bar byas pa nas dgung lo nyer lnga skor du lha bzo rdo rje 'chang dag zhing du gzigs te tshogs bsags kyi sgo rgya cher bgyis shing | de nas kyang rim par khong gis 'dzam thang gtsang pa'i sgrub khang du sbyor drug lo gcig tu nyams len dang | skyes chen dam pa gzhan thub bstan dge legs rgya mtsho dang | kun dga' mkhas grub dbang po | kun dga' mnyam nyid sogs skyes chen du ma'i drung nas kyang mdo sngags kyi chos bka' zab mo ches mang legs gsan mdzad pas thugs mtshor lung rtogs kyi nor bus legs gtams byas so | |
de nas dgung lo so gnyis skor nas bzung rang yul bya yur dgon du 'dzong bo skyabs mgon gyi mdun nas rang gis sbyor drug nyams len dang | gzhan dag la chos khrid gsal 'debs kyi sgo nas don gnyis zung 'brel gyi sgos sbyor drug chos tshan snga phyi du ma'i ring du gzhan gyi don legs sgrub kyis khong nas sgrub pa nyams len gtso bor lhur len dang | gzhan mtshams grwa pa gang dag la rang rang gi khams dbang dang mthun pa'i bskyed rdzogs gang mkho de lugs kyis re 'dod legs skong gis byas rjes rgya cher bcas dam pa 'di nyid dgung grangs nga drug skor la ma thon bar tshul de ka'i ngang nas legs bzhugs mdzad |
dgung lo nga drug steng nas skyabs mgon sku zhi dbyings su thim pa'i rkyen gyis khong gis rang yul dgon gyi chos gzhi sngar ltar skyong ba'i thugs khur bzhes dgos byung bas 'di nas bzung dgon de'i sbyor drug pa dang bskyed rim pa gang yod dag thugs slob tu byas nas rang rang la gang 'tsham gyi chos bka' rjes su bzung rim | sbyor drug chos tshan bla ma blos 'phrin sogs dang | bla ma blo gros bzang sogs | ngag blos sogs | bla rig sogs | ngag dbang bkra shis sogs | kun smon sogs | kun dga' bzang sogs | bla ma mkhas grub dpal sogs | yar thang rgya sprul sogs | gang shar sogs |