[A:450] ra rdzi sogs byed pa'i dus su byis pa phal pa gzhan rnams dang mi 'dra bar rang nyid gcig pu logs su song nas skyabs mchog gsum la gus pas phyag ches mang po 'tshal ba sogs lus ngag gi dge sbyor la phyogs kun nas skyes rtsal ci yod kyis 'bad pa la spro ba lhag par che ba dang bcas tshul de lugs kyis lo grangs bcu gsum tsam gyi steng la slebs tshe bkra shis lha ri'i dben gnas su sngags pa bla ma kun dga' mnyam nyid rdo rje 'chang gang nyid bzhugs drung du legs par phyin nas dam pa'i chos gral du legs zhugs byas te rang lugs dus kyi 'khor lo'i zab lam rdo rje'i rnal 'byor gyi thun mong dang thun mong ma yin pa'i sngon 'gro'i chos yongs rdzogs zhus nas rim pas nyams len gzab ldan mdzad de dam pa gang drung nas bar ma rab byung gi sdom pa zhus skabs mtshan ngag dbang gsal bzang zhes gsol |
de nas rim pa bzhin rdzogs rim sbyor ba yan lag drug dam pa gong ma'i phyag srol ji lta ba bzhin du legs par gzhan chos grogs rdo rje'i spun du ma dang mnyam du mnyam len legs nges lo gsum ring la mdzad pa'i dus na sngags pa rdo rje 'chang gi mdun nas sbyor drug gi chos skor mkho che ba gang dgos mtha' dag ji bzhin mnos shing nyams len gyi dus rnams su'ang dam pa 'di rang la myong rtags kyi rim pa gzhan phal pa tsho dang gtan nas mi 'dra ba'i 'char sgo mang tshod du 'dug la | de 'dra'i tshul gyis lo gsum rdzogs pa'i rjes nas yang gnas skabs ci rigs par slar yang bla ma gang nyid kyi drung nas sbyor ba yan lag drug cha tshang ba nyams len gnad smin bgyis pas sngar las nang rtogs kyi 'char sgo yang bzang rab tu gyur cing | de rjes mi ring bar sngags pa rdo rje 'chang dang mkhas dbang tshogs gnyis rgya mtsho zung gis dbang bka' zhib khrid legs gnang gi sgo nas bsnyen mtshams kyi rim pa | 'byung 'dul | rta mgrin | 'jigs byed 'bru non | snyan brgyud gnyis dang | aSNiSarwa lugs | gcod tshogs rin chen 'phreng ba | papaM tshogs brgya | dus 'khor lha dgu | mgon po brag rdzong ma dang | gzhan yang dus snga phyi ci rigs su rdo rje shugs | dus 'khor yongs rdzogs rgyas pa'i bsnyen sgrub tshad ldan rnams kyang legs grub mdzad | de mtshams shig nas 'dzam thang gtsang pa'i sgrub grwa 'gab mar lo bdun du rgyun bzhugs mdzad nas | naigu'i bskyed rdzogs gong ma'i phyag bzhes bzhin dang | dus 'khor yongs rdzogs | 'jigs byed bsnyen chen rnams grangs bsnyen tshad ldan dang | thun bar rnams su lus kyis phyag grangs mang 'tshal ba sogs dge sbyor sgo du ma nas legs 'bad bcas kyi sgos sgrub pa'i rgyal mtshan legs 'dzugs kyang mdzad | 'jigs byed bsnyen chen skabs sgrub gtor mar rgyan ngos su ya ma ra dza'i yi ge gzab ris ngo mtshar ba mngon gsal du dod cing | mchod chu rnams su me tog gi rnam pa'i ril bu dkar por dmar ljang mang po byung la | mngon spyod las kyi rtags mtshan nang mchod du 'jig byed kyi phyag mtshan mang po'i ri mo legs par shar zhing | nang mchod sha 'bu ches mang po'i