[A:451] rnam par gyur pa sogs kyi 'grub rtags legs mtshan kyang byung | de rjes mtshams shig la lha tshe sprul sku thub bstan lung rtogs rgya mtsho'i mdun nas spyir na sngags snying ma'i chos bka' lung khrid bskyed rim du ma'i dmigs khrid dang khyad par gur drag gi dbang dang gzab khrid gsan nas rang gnas lha ri'i sgrub gnas bsnyen mtshams la bzhugs dus sgrub pa'i dam rdzas nang mchod kyi bdud rtsi chil gyis khol ba sogs kyis mtshon rtags legs pa du ma byung zhing gzhan yang sngags rnying phyogs kyi bskyed rim yang mang po'i mtshams sgrub mdzad yin |
dgung lo sum cu so bzhi'i dus tsam na lha tshe sprul sku thub bstan lung rtogs rgya mtsho gang drung nas | rarna'i phur pa'i dbang | pad ma 'od 'bar | rin chen 'phreng ba | rarna'i tshe sgrub rnams kyi zab dbang | mgon po tshogs bdag gi gter gzhung yongs su rdzogs pa'i bklag lung gsan zhing | spyir dam pa 'dis dus snga phyi ci rigs su chos bka' nod rim lha ri'i dben sar kun dga' mkhas grub dbang phyug gi mdun nas | kun mkhyen dol po'i bka' pod cha tshang gi bklag lung | sa dmar bla ma snyan grags kyi drung nas | dus 'khor dbang chen | naigu bka' phyi nang yongs rdzogs | rdo rje 'phreng ba cha tshang | sbyong rgyud bcu gnyis | gcod dbang nam mkha' sgo 'byed sogs dang | bla ma bstan pa rab rgyas kyi mdun nas | dus 'khor dbang chen | gcod dbang | tshe ring ma | spyan ras gzigs kyi rjes gnang rnams dang | a mgon bla ma'i drung du snga phyir chos bka' mang po gsan |
de rjes dgung lo so drug gi steng la ngag dbang tshogs gnyis rgya mtsho'i mdun du | lam rim gyi khrid zhus nas | 'dzam thang gtsang pa'i sgrub grwa bar ma lo gcig tu nyams len mdzad de mtshams de nas mi ring bar phyir lo'i skor nang zhig tu mgo bzung nas 'dzam thang gtsang pa'i sgrub grwa gong mar lo bdun tsam la bzhugs pa ste | de yang 'dzam ngos rdo rje 'chang kun dga' ngag gi dbang po dang | gtsang pa'i rdo rje slob dpon ngag dbang bstan pa gsal byed sogs rdo rje 'dzin pa du ma'i mdun nas sbyor drug gi dbang bka' zab khrid bcas dang | nyams len la 'dri gtugs kyi sgo nas thun dngos gzhi'i skabs zab lam rdo rje'i rnal 'byor gyi spros bral mi rtog pa'i gnas lugs la mnyam bzhag yangs pa chen pos nyams len gnad khel gyi thugs dam gtso bor mdzad pa dang | rjes thob thun mtshams kun la dus rgyun shing leb phyigs la nye ba'i yan lag lnga po'i rjes gsal bar dod pa'i phyag dang | yon chab grangs mang dang | mar me sogs mchod pa byed pa dang | gzhan yang rgyun khyer zhal 'don sna tshogs sogs bsod nams bgyi ba don dang ldan pas dus 'da' bar byas pas nyid kyi thugs nyams su rdzogs rim gyi mngon par rtogs pa'ang deng dus la ltos pa'i nyams myong gi sgo sngar las kyang ches kun nas yar ldan du gyur te byas rjes grub 'bras yang mi dman pa byung | dus skabs snga phyi ci rigs shig tu dge skor bla ma