[A:452] tshul ldan gyi drung nas jo nang lam rim rgyas 'grel chen mo yang slob gnyer nan tan gyis thugs slob gzab ldan byas |
de nas dgung lo zhe gnyis su slebs tsam na 'dzam thang gtsang chen sprul sku mchog gi bka' bkod kyis a skyong gong ma'i nang du bla tshab la phebs dgos byung zhing der lo gsum gyi ring gshin rje rjes 'dzin sogs kyis 'gro don rlabs chen mdzad skabs mi khyim zhig la bu mo lo nyi shu can sngar lo gsum bzhi tsam gyi ring ngag lkug par song ste smra mi nus pa la bla ma du mas thabs tshul byin rlabs gang gis phan mi thogs pa'i dus su dam pa 'di nyid kyis bu mo de la khrus gcod bka' bsgo byas pa tsam gyis ngag smra mi nus pa las legs grol mdzad pas der gnas kun snang ba ha las pa'i ngo mtshar skyes | yang dus lan cig gtsang skor ma'i nag mo zhig gis khab mid pas shi la khad du gyur skabs dam pa khong la skyabs zhu tshe nyid kyis phyag phreng rtog cig bskur nas de mid du chug cig gsung | de ltar byas pas re zhig na nag mo de'i kha nas sha dum zhig skyugs pa dang mnyam du khab de phreng rtog gi bu gar 'dzul bzhin phyir thon byung bas nag mo de srog skyabs bla lhag pa byung | yang a skyong dpon la bsrung rim gtad sprug nyid kyis gsung skabs nyin cig g.yog 'khor zhig gdon gyis brlab ste ske dpyang thag gis bsdams nas shi la khad du gyur skabs dam pa 'di nyid kyis thugs khros tshul dang bcas de la brdung brdeg gis bgegs bskrad mdzad pas mi de brgyal du song yun cig nas slar sangs te sngar bzhin gson po nyid du gyur te skyon med du song nas de phan chad ske bgags pa dang lcebs pa sogs kyi shi lugs ngan pa rgyun chad du song zhes grags skad | yang sha tshang skor gyi tshong pa jag pas bcom nas bsad pa'i mi ro bam chen ha cang bgegs kyis gtses rkyen ro langs la khad kyi 'jigs gzugs zil shugs bzod dka' ba'i gnas su shub nas chu ser mang po brdol te ro de nyid bya rgod mang po la sbyin gtong gi rdzas su legs bsgyur mdzad pas yul khams de phyogs kun tu sngar las mtshan snyan gyi grags pa lhag par rgyas pa sogs mdzad sgo khyad par ba du ma der gnas kun gyi mthun snang du bsnyon med nges gsal du byas | de dag gi skabs su khong gis khra dge slong tshul khrims dar rgyas kyi mdun nas | mkha' spyod ma'i dbang khrid yongs rdzogs dang | 'jigs byed lha bcu gsum ma'i zab dbang | rje'i lam rim chen mo'i bklag lung rnams kyang legs gsan mdzad | de skabs su gshin po gang dag la phan thogs ma thogs khong gi sku'i rnam 'gyur gyis go nus | zhes nye gnas pa dag gis zer srol yod | de 'dra'i tshul gyis gtsang pa grwa tshang gi dus 'khor sgrub mchod chen mo'i 'du 'tshogs ches mang gtong sgo rlabs chen bcas kyi sbyin bdag lo gsum la mdzad |