[A:454] dbang phyug yon tan dpal gyis | dam pa 'di nyid grub chen thang stong rgyal po'i sprul par lung gis bsngags shing | sngon sku na gzhon dus shig mi khyim du bsrung rim la bzhugs dus khyim de'i steng du 'ja' gur gyi nang la rgya gar gyi grub thob cig gi rnam pa bzhugs tshul 'ga'i mthong snang la gsal par shar zhing | gang nyid kyi sku tshe 'dir dus rgyun | zhal 'don | chu gtor | bsang bsur | lus sbyin sogs 'chag med | mgon bskang gtum chen ma bye ba | rdor shugs bsrung sngags grangs bsnyen ches mang sogs mdzad pa dang | lo 'gar yul sde la ser bsrung gis lo tog skyobs pa dang | lo re bzhin tsha tsha grangs mang btab pas spyir sa tshwa bye ba lhag dang snga phyi kun tu sku 'bum yang mang po legs bzhengs dang srog chags nya grog la lo re bzhin zbyin gtong rgya che ba mdzad pa sogs sgo gang thad nas rnam par dkar ba'i 'khor lo gsum gyi bsags sgo ches khyad par du 'phags pa zhig ste | 'dzam ngos rdo rje 'chang kun dga' ngag gi dbang po'i zhal snga nas kyang | dam pa 'di'i thugs rgyud kyi nyams rtogs deng dus la ltos na bstan pa'i rdzogs ldan dang cha 'dra tshul gyi che ba'i bstod bsngags kyi me tog cir yang 'thor bar mdzad pa'i mges don gyi bshes gnyen mchog tu khong nyid rnam par nges pas mgo log dang 'dzi ka phyogs yan gyi dge ba'i bshes gnyen rdo rje 'dzin pa ches mang thugs dgongs chos dbyings su snyoms par zhugs pa gang dag kyang thugs dam las bzhengs par legs bskul mdzad pa po yang dam pa 'di nyid kyis byas pa ste | skyes chen de dag thugs dgongs dbyings las nye bar bskul nus kyi ting nge 'dzin ches brtan pa dam pa gang nyid la legs par mnga' ba'i rgyu mtshan gyis yin pa'i phyir ro | |
de lta bu'i dam pa 'di nyid ni | khong gis bsrung bar bya ba'i nad pa gang dag skyon mi skyon sogs rang gis gcod dmigs bzung ba tsam gyis ji bzhin mngon gsal du shes nus pa'i mkhyen bzang mnga' ba zhig kyang yin la | khong nyid dgung grangs lnga bcu nga dgu chu 'brug gi lo 'dir sku khams cung zad ma snyoms pa'i stabs kyis ra shug ri khrid du phebs nas der re zhig gi bar bzhugs gnas mdzad cing sku bsnyung la bsrung rim zhabs brtan dang sman sogs thabs gang drag bgyis mod kyang re zhig gdul bya rdzogs tshul gyis lo de'i zla ba lnga pa'i tshes bcu'i nyin gyi nangs snga mor | zhal nas | nye gnas la | mdang gi bde ma yod | da ni 'dir gnas kyi lab leb mang po tsho thams cad de ring 'gror chug cig gsung | nye gnas kyis legs so khyed kyis thugs gtad mdzod dang de dag 'gror los bcug zhus tshe | khong gis de ma thag bgegs bskrad dang bsrung 'khor mdor bsdus shig gsungs nas bzhugs 'dug | de phan chad sku g.yo med lta stangs kyi ngang nas bar skabs rer zhal gsung la | gzhi 'khor ba'i gnas skabs kyi ma dag pa'i khams so drug las bshang gci 'dor ba sogs kyi ming 'ga' re dang | yang bar