[A:455] skabs rer | de dag rnam par dag pa'i drug drug so drug gi lha tshogs las | sems ma sgra rdo rje ma la sogs pa'i mtshan 'ga' re dang | de las sems ma lha mo 'ga'i sku mdog sngo sangs ston nam g.ya' dag gi rnam pa ches cher gsal ba'i gsung zur khyad mtshar can re dang | yang bar 'gar | lha mo nus ma bcu'i mtshan rnams kyang ci rigs par yang yang gsung zhing khong nyid shambhala ru byon rgyu yin tshul re yang gsung gin 'dug cing | de 'dra'i tshul gyis nyin de'i mtshan mo la slebs dus su khong nyid kyi sku gan rkyal du gzims te zhabs sems skyil gyi rnam pa dang bcas phyag gnyis khu tshur rdo rje bsdams pa thugs kar bsnol bzhin sku gshegs pa'i tshul mdzad de zhag gsum tsam la thugs dam du bzhugs ring sku la gzi brjid cher 'bar zhing sngar sku bsnyung ba nas bzung 'das rjes tshun la sku las dri bzang gi ngad shugs che ba lhag par byung la | sku gdung gi tugs kar zla phyed lta bu'i 'od dkar zhig kyang gsal du yod | de nas dkar dmar ji bzhin byung ba'i rtags dang bcas bla ma mtshan ldan sogs kyis thugs dam legs bkrol gyi sgo nas sku gdung la longs sku'i chas nye bar gsol te bya yur dgon du spyan drangs nas slob tshogs 'dus sde mang pos dgongs mchod rgya che ba dang gdung bzhu legs bgyis dang gdung rten yang slob bu dag gis sa rdo'i mchod rten gnyis legs bzhengs dang | gdung mchod sgrol ma'i maNDala gyicho ga rgyun 'dzugs bcas gshegs rdzong legs grub kyi sgo nas rnam dkar bsags sgo rgya che ba'ang nye bar bgyis so | |
bya yur dgon gyi gdan sa ba bla ma mtshan ldan |
15. de rjes su nyid kyi gdan sa legs par 'dzin pa ni bla ma mtshan ldan zhes bya ba ste | de yang 'dzong bo skyabs mgon gyi sku tsha yin zhing chung ngu nas ya rabs kyi spyod pa la gnas te klog slob cing chos sgor zhugs pa yang skyabs mgon gang dang bla ma bstan pa rab rgyas zung gi sku mdun du snga phyi ci rigs pa'i tshul gyis sbyor drug gi chos skor yongs rdzogs legs zhus sgo nas nyams len yang yul dus dang mthun pa'i srol ltar rang gis skyes rtsal ci yod kyis 'bad 'bung byas shing myong rtags kyi rnam pa re yang rang tshod bzhin ci rigs byung la | snga phyi gang yang rung bar skyabs mgon mchog dang bla ma dam pa gang nyid rnam gnyis kyi drung nas | shangs chos skor dang | bskyed rim sna tshogs pa'i dbang lung zab khrid du ma'ang legs mnos kyi sgo nas nyams su len pa dang | bsnyen sgrub gang dgos bcas sgo gang thad nas rang yul gyi dam pa gong ma'i phyag srol bzhin legs grub bgyis shing | khyad par dus kyi 'khor lo'i bskyed rim rgyas pa yongs rdzogs kyi rnal 'byor la nyams len gzab ldan byas pa sogs rang don lung dang rtogs pa'i bya ba rem par mdzad la | gzhan bstan 'gro'i don la'ang bya yur dgon gyi rdo rje slob dpon ngag dbang bstan pa rab rgyas pa rab rgyas zhabs pa sku 'das la nye skabs nyid kyi gsung gi