[A:38] 'tshal gung thang sogs su dus 'khor gyi chos rgya cher spel | sku tshe'i smad du slar jo nang gi gdan sa mdzad | mngon shes thogs med du mnga' ba'i lo rgyus mang | dgung lo don gsum pa la sku dogs che zer skabs khams bsnyung la rim gro mdzad par zhus pas | rung ste gya gcig gi bar bsdad chog gsung | lo don dgu la khams shin tu bsnyel skabs da lo mi 'chi ba'i rang dbang yod gsung | brgyad cu pa la sku khams bzang yang da gzod nges par 'gro dgos pa yin gsung | thams cad thog tu khel | phar phyin TIka sogs gsung chos mang po mdzad nas dgung lo gya gcig ( spyi lo 1386 | rab lo 6.60 ) me stag lo'i sa zla'i bcu gcig nyi shar la bde ba can du phebs so | |
20. bcu gsum pa 'jam dpal sprul pa nya dbon kun dga' dpal ( spyi lo 1285 | rab lo 5.19 ) shing mo bya'i lor tha skar zla ba'i tshes brgyad la yul nyang por 'khrungs | khams pa'i dge bshes nya dar ma rin chen gyi dbon po yin | chung ngu nas mkhyen rab shin tu che | kun mkhyen chen po dang yang yang mjal | dgongs don thugs su chud cing mos gus chen po can zhig yin pa dgung lo nyi shu skor la phyag zhabs god de 'byon ma thub | klu gdon gyi rtog pa byung | kun mkhyen chen po sa skyar phebs skabs grogs kyis khur nas byin rlabs zhu ru byon | byin rlabs gnang ljags btab tsam gyis bsnyung gzhi las 'phral du grol | phyis mdo sngags kyi gzhung thams cad la mkhyen pa rgyas shing rig pa'i dbang phyug chen por gyur | phyogs las rnam rgyal yun ring bsten nyams rtogs kyang mthar phyin | dus 'khor sogs mdo sngags kyi chos mang gsan | sa skyar 'chad nyan yun ring mdzad | sku tshes'i smad la blo gsal drug brgya tsam gyis bskor nas rtse chen gyi chos sde btab | bshad sgrub gnyis ka 'phel bar mdzad | gtsug lag khang dang gser 'bum rgyud 'grel dol po'i 'dra sku gser zangs las bskrun pa che chung mang po bzhengs | tshad dang phar phyin gyi TIka chen sogs gsung chos mang | brgyud 'dzin gyi slob ma mang zhing | rje blo bzang grags pa sogs brgyud 'dzin gzhan gyi bdag nyid chen po yang mang po slob mar gyur pa'o | | dgung lo go lnga ( spyi lo 1379 | rab lo 6.15 ) sa lug gi lo'i chu stod zla ba'i tshes drug la ngo mtshar du ma'i ltas bcas zhi ba'i dbyings su gshegs so | | de dag ni kun mkhyen chen po'i dngos slob bcu gsum mo | |
bcu bzhi pa yab sras de dag gi slob ma gnas brtan bhakuli'i sprul pa mtshal min pa bsod nams bzang ( spyi lo 1341 | rab lo 6.15 ) lcags mo sbrul lor yul skyed phur 'khrungs | dgung lo lnga nas rab tu byung | kun mkhyen chen po'i zhabs spyi bos blangs nas dgung lo bcu bdun nas so dgu'i bar nye gnas mdzad de chos man gsan pas nyams rtogs skyes | chos rje sku 'das rjes | phyogs rgyal ba | sa bzang | nya dbon pa sogs las bka' mdo rgyud bstan bcos man ngag dang bcas pa gsan | lha sgang du lo bcu gcig bshad ston mdzad | chos dpal bzang pos mtshal chen gyi dgon pa phul nas der bka' brgyud