[A:39] gong ma'i bshad srol btsungs | dgung lo dgu bcur phar phyin gyi TIka mdzad | go gnyis su dus 'khor 'grel chen gsungs | go gsum ( spyi lo 1433 | rab lo 7.47 ) chu glang lo'i dang po'i tshes bcur zhi bar gshegs pa'ang ngo mtshar ba mang po bcas nas so | | 'di'i slob ma rgyal ba zo bzang ba'o | |
yang kun mkhyen chen po'i dngos slob byams pa kha bo che'am mi nyag blo gros grags pa zhes pa dang po jo nang du 'ong nas sku 'bum la bskor ba byed skabs 'od zer chen po'i nang du kun mkhyen bzhugs pa mthong nas dad pa mi phyed pas dar yug gcig gser srang gnyis chos gos shig phul te mjal nas chos rje khong gi drung du lo drug la phyi nang gi chos skor mang po zhus nas chos rjes lung bstan pa ltar mdo khams rdo rje mched drug gi gnas 'ob gangs dkar rtsa bar nges don gyi chos gzhi btabs nas bstan pa spel bar yang gsungs so | | de dag chos rje yab sras kyi rnam thar mdo tsam mo | |
3 jo nang pa'i gdan rabs dang byin rlabs kyi brgyud rim |
de nas kun mkhyen chen pos lung bstan pa ltar dpal jo nang pa'i gdan rabs kyang rim byon gyi tshul yod na'ang 'dir byin rlabs kyi brgyud rim sa bon tsam nyung bsdus su 'god pa ste |
21. de yang nya dbon pa'i thugs sras grub chen kun blo shar kha ba'i sku rus su 'khrungs | phar tshad mngon 'dul dbu ma sogs mdo phyogs rnams dang | dus 'khor gyi bshad sgrub nya dbon pa la gsan | bla ma gzhan mang po la dbang gdams ngag rgya cher zhus | rgyal rigs su 'khrungs kyang srid la ma chags par bas mtha' rnams su sgrub pa kho na la gzhol | rang re'i chos brgyud 'dzin spel bcas | sku tshes'i smad la 'khrul zhig chen por bzhugs shing | bu ston gyi skye bar grags so | |
22. 'jam dbyangs dkon mchog bzang po 'khrungs yul la stod byang pa | rtsa ba'i grwa sa bzang ldan | sa skya sogs grwa sa phal cher du byon nas mkhan 'jam dbyangs rin rgyal ba la | sa skya'i chos rnams gsan | grub chen kun blo la dus 'khor sogs zab don mtha' dag zhus | si tu kun bzang rab brtan 'phags kyis bla mar bkur | nyang stod kyi chos sde gsar pa'i chos dpon mdzad | jo nang pa'i grwa tshang gsar du btsugs | phyis rtse shar nub kyis gus pas btud | chos sde gnyis char dang jo nang gi gdan sa mdzad | mkhas grub rje dpon slob kyis byad kha byas pa yang byang sems dang rdor bzlas spel bas phyir log tu song | bla ma sa skya pa'i sprul par grags |
23. nam mkha' chos skyong | rtsa ba'i grwa | grwa tshang chen mo | kun mkhyen bsod chen la mtshan nyid kyi gzhung rnams mkhas par sbyang | slar 'jam dbyangs dkon bzang gi chos grwar byon | chos dang gang zag la dad de mtshan nyid kyi gzhung rnams mkhas nyan mdzad | gzhan stong la nges pa