[A:459] bas kyang 'khor ba'i 'jigs pa chen po nye bar 'phrog tub pa'i chos bka' rgya che ba'i sgo de yang 'dus sde skyes chen mang po dbus su dam pa 'di nyid kyis legs par gsan pa'i dbu tshugs pa nas bzung lo 'ga'i rjes nas chos 'jug yongs su rdzogs par byas la | spyir dam pa 'di nyid kun mkhyen jo nang pa chen po'i thugs sras 'bri gung ngam sa bzang lo tsA gang rung zhig sprul par bshad srol yod cing khong gi bla ma rdo rje 'chang lha ba bla ma kun sga' dpal ldan zhabs dang | lha bzo ngag dbang chos 'dzin rnam gnyis la dus 'khor dbang chen sogs dus kyi 'khor lo'i chos skor gyi zab bka' ches mang dang | shangs chos skor gyi dbang khrid rnams gtso bor gyur pa'i zab chos kyi bka' mang po nyid kyis legs par mnos sam snyam mo | | de nas 'di skor re zhig gi mtshams nas gtsang pa'i rdo rje slob dpon ngag dbang chos 'byor zhabs pa dang | a skyong bla ma thub bstan zung gis bkas bskul ba ltar 'dzi stod dgon pa la kha thub bstan bshad sgrub gling zhes pa'i dgon gzhi der nges don sgrub brgyud legs spel gyi rdo rje slob dpon dam pa 'di nyid kyis mdzad dgos byung ste dgon gzhi der khong nyid bzhugs bzhin zab lam sbyor drug gi sgrub po'i sde legs 'dzugs kyi mgo bzung nas lo bstar gyi sbyor drug chos tshan rnams la rang rang 'tsham pa'i dus 'khor gyi chos skor gtso bor gyur pa'i zab mo'i dbang dang dmigs khrid nyams len legs bcos sogs bgyi ba gang dgos mtha' dag mdzad pa ste | de yang sbyor drug chos tshan rim par byung ba'i tshul ni chos tshan dang po | bla ma 'jigs dbang | mchog ldan sogs dang | gnyis pa bla ma bde rgyam sogs dang | gsum pa bla ma kun mchog | chos blo sogs dang | bzhi pa gang 'dul sogs dang | lnga pa tshul khrims dpal | dngos grub dpal sogs dang | drug pa bla ma snang byed | don ldan sogs | bdun pa rga bla ma | zab gsal sogs dang | brgyad pa bla ma kun ldan sogs dang | dgu pa bla ma shes rab dpal | byang chub 'od sogs dang | bcu pa 'od bzang | don rtogs sogs dang | bcu gcig pa legs gsung | tshul khrims sogs dang | bcu gnyis pa ma tang dkon rgyam | sher rgyam sogs te de dag zab mo'i chos bka' ci dgos kyis rjes su legs bzung mdzad la | gzhan yang dgon der bskyed rim pa yang lo re bzhin mang nyung ci rigs re mi chad pa lta bu yin zhing de dag la'ang dbang lung dmigs khrid gang dgos zhib rgyas su bka' drin mdzad pa dang | dge tshul slong gi sdom pa legs par 'bog pas slob tshogs mang phyogs zhi dul gyi spyod pas legs gnas kyi sgo nas dad ldan kun gyi yid la dang ba'i dad pa ches cher 'phel byed kyi 'dus sde bslab gtsang bsod nams kyi zhing khyad par ba ches mang bar gyur to | |
khong nyid dgon leb tu rdo rje slob dpon du bzhugs nas ring po ma lon pa na chos rje'i dbon dam pa 'gyur med dang | bla ma lha ldan sogs chos rje'i bla ser mang pos zhus ngor | nyid kyis rje tAra