[A:460] nAtha'i bka' 'bum las byung ba'i rgyud sde rab 'byams kyi zab mo'i dbang bka' phal che ba zhig legs gnang mdzad | lo bstar rnams su ston dpyid gnyis kyi dus chen la khong gis ser skya pho mo brgya phrag lhag la 'phags pa thugs rje chen po'i cho ga'i sgo nas gdang sngags kyi dka' thub la gtogs nges su byas te bsnyung gnas khrims brgyad kyi sdom pa legs gnang gi sgos bsnyung gnas cha brgyad las mi nyung ba'i chos gzhi btsugs te 'gro la phan pa lo dus bzhin mdzad | de mtshams bar skabs shig nas khong nyid kyis dam chos so sor thar pa bstan pa'i gzhi mar dgongs te nyid nas gzhan dag la bsnyen rdzogs mang du 'bog par byas pas dge 'dun gyi sde yang cher rgyas su song bar brten 'dus pa mchog gi gzhi dge 'dun dbyar gnas pa'i gso sbyong chos spyod dgag dbye sogs gong ma'i phyag srol ltar bslab pa yongs su sbyong ba'i chos gzhi khyad par ba yang yun re zhig gi bar du tshugs par mdzad | khong gis dge slong rdo rje 'dzin pa'i brtul zhugs nyer 'chang gi sgo nas phyi tshul dus rgyun dge slong gi chas chos gos rnam gsum lhung bzed sogs 'bral mi rung ba dag 'bral spong gi dri mas nam yang gos pa med par 'dul khrims mtha' dag la sgo kun nas gces spras rgya cher mi lhod pas sku la tshul khrims rnam par dag pa'i dri bzang po nges par byung zhing | nang rdo rje'i theg pa'i rim gnyis kyi mngon par rtogs pa kun nas nar son gzhin yi dam gyi gtso bo sgrol ma dang dus kyi 'khor lo'i snying po rnam bcu dbang ldan gyi sngags dus rgyun par thugs dam gyi mthil mdzad pas nam zhig sku 'das kar hakSa'i sgra dbyangs nam mkha' nas rang sgra byung ba lta bu'i dge mtshan kyang mnga' | dam pa 'di nyid kyi kun spyod kyang jo nang rang lugs kho na'i dbang du byas te kun mkhyen dus gsum sangs rgyas gcig pu nyid kun kyi yang rtser gyur pa'i tshad ma'i skyes bu mchog tu thugs nges gting nas 'khrungs te de'i gsung rab kho na dpang po mchog tu thugs kyis brtsi bkur legs zhu che ba mdzad nas dol po'i rnam thar cha tsam snyan lam du son tsam gyis kyang spyan chab nyul gyis byung zhing rje jo nang pa chen po'i gsung rab la thos bsam sgom gsum gtso bor khur len dang | dus rgyun thun bzhi 'chag med | yon chab sogs kyi mchod pa dang | chu gtor | bsur | lan chags sogs kyi sbyin gtong yang dus rgyun mdzad cing | sku'i spyod lam gnya' shing gang tsam lta ba sogs shin tu dul ba'i spyod pa 'ba' zhig ma gtogs g.yeng ba'i kun spyod gzhi na mi dar zhing tshe gang bor gung tshigs rgyun bzhes dang | bsad sha gtan spangs mdzad nas gzhan slob tshogs rnams kyang mdzad spyod de ka la gnas ci thub kyi bskul shugs drag gis rgyud legs bcos kyis kho la ltos tshad kun yang dag lam gnas mchog gis gnas skabs dang mthar thug gi phan bde ci rigs par legs 'god dang | khong gi bar bar rnams su slob tshogs la kun mkhyen chen pos sha chang bkag pa'i lung 'dren gang dag kyang yang yang gsungs so | |