[A:463] 'dus | 'od dpag med zhing thang | gu ru mtshan brgyad | thugs rje chen po phyag stong sbyan stong rigs lnga bcas dang | gur sogs chos skyong kha tshang rnams dang | gzhan yang sgrol thang sogs phran bu du ma thang shan zhal khebs sogs sgo gang thad nas spus bzang legs nges bzhengs la | 'jam dpal mtshan brjod kyi spar brko legs bgyid kyang mdzad de | thams cad la rab gnas dga' ston yon 'bul che ba'ang byas shing de rnams la mchod bkod kyi khyad par dngul skong mtshan thub sogs skong bu brgya phrag lhag dang | li theb spus legs brgya phrag dag gis mtshan mchod pa'i bkod pa'ang mi dman pa dang bcas so | |
khong nyid gtsang pa'i gzims khang du bzhugs dus rten sgam nang gi karma pa'i gser sku phyag tu bzhes skabs shig la gser sku de nyid las bdud rtsi'i rgyun bsnyon med du byung la | de skor snga phyi ci rigs su nyid kyis yon chab kyi mchod pa 'bul skabs shig tu mchod chu las ring bsrel sran ma tsam rnyed byung ba la brten ka dgu ma'i gtsug lag khang du ring bsrel des nang gzhug byas pa'i kun mkhyen chen po'i sku 'dra brjid che ba kun gyis smon gnas su gyur pa de dam pa 'dis sbyin bdag gi sgo nas legs bzhengs mdzad do | |
yang nyin cig dgon leb tu khong gis spyan ras gzigs kyi sgo nas khrom dbang bskur dus rang snang la khong nyid 'phags pa'i sku dngos su gyur te sku las 'od zer dang rang 'dra 'phags pa'i sku grangs med spros te skabs der dbang nyan yod tshad la phog pas da phan skor gcig de kun ngan song du mi 'gro ba'i thugs thag chod pa'ang byung zhing | khong gis rgyun du thun bzhi 'chag med kyi ngang nas dus dus su tsha tsha sku gzugs spar gdab kyi dge sbyor yang ches mang rab tsam du byung ngo | | 'di skor zhal gsung las | da ni nga rang gi lus kyi rtsa 'khor rnams su rgyud sde'i lha tshogs grangs med bzhugs pa'i gsal snang sngar dang ye mi 'dra ba zhig byung gin 'dug pas nam zhig rang gi ro bsregs pa'i thal ba dang rus pa'i rdul gang gis reg tshad kyi 'gro ba gang dag skor re ngan song du 'gro mi dgos pa 'dra'o | | gsungs |
nyid dgung grangs re gcig pa lcags sprel gyi lor sku tshe'i mdzad pa legs rdzogs kyi dus te | de yang sngon zhig tu nyid dgung lo lnga bcu'i skor na rong btsun kha ba phyogs nas byon pa'i skyes chen zhig gi bka' lung gis lo grangs 'di'i steng la gegs bsal tshe sgrub tshad ldan dgos par gsungs na de lugs ma 'dzoms pa dang dam pa khong gi gdul zhing rdzogs pa dus su babs pas gzhan gegs sel ci rigs dang | ngag dbang tshogs gnyis rgya mtsho phebs te | bla sprul mang phyogs kyis zhabs brtan mang po legs sgrub kyi dus su khong rang gi snang ba la zhabs brtan sgrub pa'i dbu bzhugs gtsang sprul nyid dbang chen heruka'i sku dngos su mthong ba'i gsung zur byung ba sogs legs mtshan re yang yod kyang gang thad