[A:40] tshogs | sbyor drug zhus te nyams rtogs kyang shin tu bzang | dus 'khor gyi rgyud la mkhas par byas | ngam ring sogs 'chad nyan 'ga' re'i sar phebs | rtse shar nub dang khyad par seng ge rtse bas yon bdag byas | rtse chen dang jo nang gi gdan sa yun ring mdzad bshad sgrub gnyis kar bzung | sku 'bum chen mo'i chos 'khor gser zangs kyis g.yogs par mdzad do | |
24. nam mkha' dpal bzang grub mtha' rtsa ba sa skya | mus pa rab 'byams thugs rje dpal bzang gi grwa sar slob gnyer mdzad | brgya sder 'chad nyan yang lo shas tshugs pa byng | lhun sdings su bdag chen pa'i slob ma shangs ston bya ba la dus 'khor byang lugs zhus te de la mkhas par sbyang | rgyal ba nam mkha'i mtshan can la sbyor drug man ngag jo nang lugs 'di snga dus shig nas gsan pas nyams rtogs bzang po 'khrungs | 'bras spungs dgon pa btabs nas 'gro don chung zad mdzad do | | de nas rim par lo chen ratnabhadra | dpal ldan kun dga' grol mchog | mkhan lung rigs rgya mtsho | | rje btsun tAranAtha'i bar du ste de dag las bshad dgos pa rnams 'og nas rim gyis 'chad par 'gyur ro | |
smras pa | rgya chen bsil ldan lha yi lam bzang du | | chos dbang ri dwags snang ba'i zlos gar can | | nges don kunda rgod pa'i gnyen du 'char | | 'od dkar zer gyis rmongs mun chabs gcig bsal | | rab yangs gzhi 'dir chos mchog gos dkar gyis | | dge legs rdzogs ldan snang ba'i dpal sbyin pa | | gang 'di snga na med pa'i ya mtshan gnas | | skal bzang skye dgu'i snying la dga' ba ster | | lnga bdo'i cher rmongs rmag rum 'thug po'i khrod | | nges gsang zab mo rab tu gsal ba'i gnyen | | chos rje zla ba thugs sras rgyu skar tshogs | | snying po'i bstan pa gsal byed gzhan las 'phags | | nges don lugs bzang dus bzhi phyi ma'i tshe | | rdzogs ldan chos kyi dgongs don mchog gyur te | | rigs can dbang por rab kyi gdul zhing kun | | chos don ma lus ji bzhin khong du chud | | yang dag grub mtha'i gangs ri'i spo la gnas | | dri med lung dang rigs pa'i g.yu ral 'bar | | nges don 'jigs med seng ge'i sgra chen sgrogs | | dgag sgrub sbar phreng g.yo ba'i gdong lnga pa | | gangs ljongs mkhas dbang bye ba'i gtsug nor mchog | | gnas lugs mthar thug legs 'byed shing rta che | | zla bral dbu ma chen po'i don ston pa'i | | dol po sangs rgyas chos rje jo nang pa | | gru 'dzin bdag po'i sprul pa'i rol gar gyis | | nges don ston pa chen po'i zol bsgyur ba | | rgyal ba gnyis pa'i tshul gyi mdzad can | kun gzigs chos kyi nyi ma khyod min su | | zhes pa bar skabs kyi tshigs su bcad pa'o | |
25. da ni skabs 'dir bshad par bya ba'i rigs la lo chen ratnabhadra | 'khrungs yul 'brog pa | grwa sa gzhad kyi grwa tshang | o rgyan rdzogs pa sogs bla ma mang po bsten | gsang sngags gsar