[A:465] kyang lo 'ga' zhig bar du tshugs par gyur to | |
sog po bla ma kun grol |
17. gtsang chen sku phreng gsum pa'i dngos slob skyabs rje mkhar ba bla ma'i thugs sras mchog gyur sog po bla ma kun grol zhes bya ba yang | 'di'i sku rigs sog po ste sku 'khrungs nas na gzhon gyi dus su dang po dam pa'i chos kyi sgor zhugs pa'i yul ni skyabs rje mkhar ba rdo rje 'chang nyid kyi sku tshe smad dgung grangs bdun cu don brgyad skor sogs su slebs pa'i skabs tsam nas skyabs rje nyid gtso bor 'dzam thang chos rje'i khang dmar du bzhugs dus shig na tshes bcu'i sku phreng bdun pa nges don bstan 'phel zhabs dang | dbon dkon mchog bstan 'dzin khang rgan bla ma thub bstan sogs dang lhan cig tu dam pa 'di nyid kyis sbyor drug gi zab khrid dbang lung man ngag gang dgos mtha' dag dang | 'jigs byed khrid dmigs | lde thugs | rab gnas kyi khrid sogs chos khrid mang po zhig kyang legs par gsan pa nas chos kyi dbu tshugs shing de dus dang bstun nas gong ma'i phyag srol bzhin nyams len gnad smin rim gyis mdzad pas nyams myong yang bzang rab ci rigs pa thugs la 'khrungs pa nas bzung mdo dang sngags kyi chos la yun ring du goms stobs che zhing | de'i phyis shig tu dam pa 'dis sbyangs pa bla ma kun dga' nges don gyi mdun nas 'phags pa thogs med la brgyud pa'i byang chub kyi sems kyi sdom la legs mnos mdzad pa sogs rang don lung rtogs kyis thugs rgyud mngon par gtams pas gzhan gdul bya rjes 'dzin gyi dus su nges par babs shing sbas ba'i rnal 'byor pa chen po'i tshul skyes bu dam pa'i go sa na legs par bzhugs te mdzad 'phrin gegs med du mthar phyin pa zhig yin skad do | |
kun dga' ngag dbang dpal bzang |
18. de lta bu'i skyes chen mchog gi thugs sras kyi thu bo nyag gcig tu gyur pa gang zhe na | bdag gi 'dren pa gcig chog tgyal po rdzogs pa'i sangs rgyas las kyang rang la bka' drin che ba mtshan nges par brjod dka'i gnas su gyur pa don gyi slad du mtshan nas nye bar smos na rdo rje 'chang chen po kun dga' ngag dbang dpal bzang po zhes bya ba ste | gang de'i rnam par thar pa rgya mtsho lta bu las lo rgyus ches shin tu phra ba zer ma'i cha tsam 'dir dad pa'i gsos su nye bar bskrun pa la gangs ri'i ljomgs kyi mdo khams smad kyi nor 'dzin dge ba'i gzhi rdo rol gyi char gtogs 'dzi ka'i stod phyogs sa yi thig le nyal 'gro mdzes ma'i klung gi g.yon zur zam ngos sam 'dzam ngos zhes pa'i grong sde der yab ri 'phongs lha brtan dang yum mang dge za bo ko gnyis kyi sras su rab byung bco lnga pa'i nang tshan chu mo bya yi lor dam pa mchog gi gzugs sku'i me tog gsar pa dus su mnon par 'khrung shing | de nas bzung sku bskyed bsring gi dus su na phra byis pa'i skabs su'ang smra shes rang mgo thon tsam na dam pa'i chos phyogs la thugs