[A:466] blo spros zhing spong ba bsam gtan gyi khang bu grag phug sogs su gcig pur slebs nas thugs mnyam bzhag gi tshul mdzad pa dang chos 'chad nyan gyi zlos gar rtsed 'jo sogs dam pa'i spyod pa la rtag par gzhol ba'i goms shugs bzang po sngon song gi byis pa rigs khyad par ba gzhan phal las nye bar 'phags pa zhig tu nges la | de nas dgung lo brgyad dgu tsam nas klog yig slob pa la zugs te ji bzhin legs sbyang gis ring por ma thogs par klog 'don mkhas pa'i rtser son |
dgung lo bcu gnyis pa la yab 'phral du rkyen gis gongs te ma bu gnyis lus pa byung la | de nas khong nyid dgung lo bcu gsum pa'i dus su gtsang pa'i gzims khang du lha ba bla ma kun dga' dpal ldan bzhugs dus tsam na de phyogs su chos thun lkog bros byas kyang ma yum gyis ma gnang bas der chos thun du bzhugs pa bshol te lo der rang yul dang nye ba skyabs rje mkhar ba'i gdan sa 'grim shar ri khrod du skyabs rje gang gi thugs sras nyams rtogs kyi dpal mnga' sog po bla ma kun grol rgyun bzhugs mdzad pa'i sku drung du | dam pa 'di nyid dang bud khang mda'i bla ma tshul khrims bzang po gnyis rdo rje spun chos grogs kyi tshul du byas nas rje dam pa de nyid kyi mdun nas sbyor ba yan lag drug gi sngon 'gro'i chos khrid zhus te tshul gong ma'i phag bzhes bzhin legs par nyams su blangs pas thugs nyams su'ang lam rang rang gi rtags mtshan ci rigs pa re nges par byung zhing | sog po rdo rje 'chang gis sdom lung dang smin byed mchog gi dbang gong ma rnams legs gnang gi skabs | dam pa 'di'i mtshan la kun dga' ngag gi dbang po zhes gsol | de nas rim pas dben pa gsum gyi rnal 'byor la brten nas dngos gzhi sor bsam gnyis yun ring po re nyams len byas dus 'od gsal rtags bcu'i snang ba go rim bzhin dang lus ngag gi nyams sogs sgo gang thad nas gzhan phal pa tsho las 'phags tsam byung ba dang | srog 'dzin skabs kyang bum can legs grub dang | gtum mos thig le zhu ba'i 'bar 'dzag gi snang ba'i stong gzugs khyad par ba dang zhi bde 'thug pos thugs myos pa sogs kyi myong rtags dang | dran ting gnyis kyang gong ma'i bka' srol ltar las dang po ba'i tshul gyi nyams len gnad smin gyi sgo nas dam pa mchog gi drung nas chos khrid gang dgos legs zhu dang | thun bzhi las bzhi'i bya ba | sbyor drug yan lag lus sbyong dang thig le'i 'phrul 'khor 'pho ba'i nyams len bcas gong ma'i phyag srol gang yod mtha' dag lo gsum gyi ring ji bzhin legs grub mdzad |
de rjes skabs ci rigs par sog po rdo rje 'chang gi mdun nas lus bsrung bskyed rim | 'byung 'dul dang | rta mgrin sogs dang | de bar zhig tu shangs chos kyi skor yang zhus te nyams len ci rigs kyang byas tshod du 'dug la | de mtshams dgung lo nyer gsum skor du sog po bla ma mchog dang | 'dzam ngos bla ma 'jam dbyangs sogs kyi drung nas | 'jigs byes 'bru non | snyan brgyud | mgon