[A:469]
skabs de skor dgung lo so gcig dus su 'dzam thang gtsang pa'i grwa tshang gi 'du khang du dpal ldan bla ma gang nyid phebs te | nyid kyis mdzad pa'i sbyor drug spyi don bshad khrid zhib rgyas su mdzad skabs 'dzi ka'i stod smad kyi skyes chen mang po chos nyan du 'dus pa'i gral du khong gis legs par gsan bzhin gshar sbyang gis zab mo chos kyi go don la thugs nges chen po'i blo gros gzhan las 'phags pa byung ba sogs thos bsam de lugs yun ring du brtson sbyang byas mthar mdo dang sngags kyi dgongs don zab gnad ma lus pa thugs su chud pa'i mkhas gnas thob cing dpal ldan bla ma 'jam pa'i dbyangs dngos gang gi thugs sras kyi thu bo mchog tu nges par gyur to | |
de nas dgung lo sum cu so brgyad skor sogs su nyin cig khong nyid 'dzam thang gtsang pa'i gzims khang du byon 'dug gi tshe der rtogs pa'i mchog gyur kun dga' mkhas grub dbang phyug dang mjal | sngar yang dam pa khong dang mjal phrad yang yang byung mod kyang gsung gleng zhib rgyas kyi skal ba ma ldan 'dir ni sngon las zab mos dus su bskul bas mjal phrad bka' mol legs byung gi skal bzang thob pa ste | de yang de'i nyin mjal phrad byung nyin mo rtogs pa'i dbang phyug mchog gi thugs mngon shes kyis dam pa 'di sngon 'brel zab mos bu slob tu ji bzhin gzigs nas bka' las | de ring khyod sdod do nub 'u cag gi gtam gleng bya dgos | gsungs pa bzhin byas te nub mo rtogs pa'i dbang phyug gang nyid bzhugs pa'i gzims khang du dam pa 'di nyid kyang byon nas khong rnam gnyis zhal zas kyi bya ba dang bcas thugs dga' spro'i ngang chos dang mthun pa'i bka' mol mang po zhig mdzad rjes rtogs pa'i dbang phyug gi zhal snga nas | slob bu dam pa 'di la bka' gsung gnang ba | spyir 'jig rten 'di na dam pa'i chos las ya mtshan che ba gzhan gang yang yod pa min la | dam pa'i chos las kyang zag bcas dang zag med kyi dge ba gnyis las phyi ma gtso che zhing | zag med kyi dge rtsa rnams las kyang 'od gsal 'dus ma byas pa'i gnas lugs la mnyam bzhag nam mkha' lta bu'i rtse gcig spros bral lhun grub tu ma bcos so ma rang shar gyi ngang du thag chod nus na ye gzhi gdod nas bzhugs pa'i chos dbyings rang byung don dam ye shes zer ba de thag ring na bzhugs tgyu ma red | 'di ka nyid de ngos zin na kun rdzob glo bur 'khrul snang mtha' dag btsal yang mi rnyed par gshis lugs rjen char ba sku dang ye shes rgya mtsho'i klong 'ba' zhig tu kun nas thag chod pa zhig da lta kho bo la byung yod pas khyed kyis de lugs la mnyam bzhag mdzod cig | ces gsungs ma thag nas slob bu dam pa mchog gi thugs nyams su ye gzhi chos dbyings ye shes ngo bo bzhin pa de nyid ngo lhag par 'phrod de skad cig de la mnyam bzhag gcig gi ngang du 'byams par gyur pa na 'chi ba dang shed mtshungs pa'i snang mched thob pa'i thim rim yud tsam la shar nas thugs ngor ches spros pa kun nas zad pa'i dag chen gyi dbyings rang bzhin dwangs pa chen po'i