[A:470] gnyug ma'i ye shes shin tu mtshon thabs dka' ba gshis ston gnam g.ya' dag brgya 'gyur las kyang kun nas gsal ba'irang bzhin bzhin bcos gzhig mtha' dag rang dwangs su song ba'i gnas lugs rjen char ba zhig mngon du gyur te mnyam bzhag de nyid kyi ngang du mtshan mo cha tshan gar thal ma go bar nangs snga mo la slebs nas dpal ldan bla ma rtogs pa'i dbang phyug gis thugs dam slar bzhengs kyi bskul slong gis skad cig de la slob bu dam pa mnyam bzhag las bslang ba na | bla ma mchog gi zhal nas | 'o da phan khyod kyi rgyud la rang byung gnyug ma'i ye shes ches gsal gyi 'go tshugs pas nyams len de lugs la rem par mdzod cig | ces gsung zhing |
de nas bzung dam pa gang de'i thugs rgyud la sngar yang nyams len gyi 'char sgo bzang 'dra ba mtha' yas mang mod kyang gnas lugs 'di la ltos na rnam shes kyi 'gyur bag dang bcas rtsa khams rlung gi byed pa shas che bas kun gzhi'i rnam shes phyogs kyis bslad shugs che ba'i nyams kyi 'char sgo de dag rjes mthun tsam du 'dug la | da tshod mngon du gyur pa'i rtogs pa 'di ni gnas lugs ye gzhi la ches nye ba'i ye shes phyogs kyi dag snang shes che bas ye shes mchoh gi snang ba dang sngar las ches mthun pa lam gyi mngon rtogs dngos gnas kyi cha ci rigs rgyud las bstan pa de ka ltar yin pas spyir gsang sngags lam gyi 'char sgo la phyogs tsam 'dra ba mang na gshis lugs kyi lam la bzang ngan gyi khyad par shin tu che ba'o | |
de nas bzung dpal ldan bla ma gang nyid dam pa 'dis spyi bo'i rigs kyi bdag po mchog tu legs bkur gyi sgo nas dgung lo so dgu'i steng tsam la gtsang pa'i gzims khang su rtogs pa'i dbang phyug rje nyid kyi drung nas | ngan song sbyong ba'i rgyud las bstan pa'i dkyil 'khor bcu gnyis kyi dbang bskur legs par mnos shing | de'i phyi lor rje de nyid kyi mdun du dus 'khor dbang chen sogs dang | rje btsun tAranAtha'i bka' 'bum yongs rdzogs kyi bklag lung yang gsan |
dgung lo zhe gcig dus su rje gang nyid kyi drung nas | gshin rje'i gshed rab 'byams kyi dbang bka' cha tshang dang | de'i phyi lor mchog rab 'byams kyi zab dbang yongs rdzogs kyang legs par mnos so | |
dgung lo zhe gnyis kyi dus su gtsang pa'i rdo rje dpon chen po kun dga' mkhas grub dbang phyug nyid gzugs sku chos dbyings su bsdus rkyen de rjes su lo phyed gnyis lhag tsam la bla ma dam pa 'di nyid kyis gzims khang sgrub grwa tshun chad kyi chos thun pa gang yod dag la rdor slob kyi thugs khur bzhes te chos mjug legs rdzogs kyi tshul du dbang lung zab khrid ci dgos thams cad mdzad de mtshams re zhig gi tshe deng dus su mang tshogs rgyud ma dul ba la phan thogs dka' bar dgongs nas chos sde spyi'i