[A:473] pa'i nang du bum chus yongs 'gengs mdzad pa sogs 'grub rtags khyad par ba thon la | dus phyis su khong la dad pa can gtsang skor rin chen bzang zhes pa mgo log tu shi ba'i tshe khong nyid dar lnga'i ri khrod du bzhugs skabs nangs ja bzhes dus su tshe 'das de'i rnam par shes pa nyid kyi mdun du thon pa skad cig la thugs mngon shes kyis ji bzhin gzigs nas de la gnas 'dren 'pho lung mdzad par chas tshe gshin po kho rang gis 'chi kha rang bsrung 'jig rten pa gshegs ma thub pas bar srid kyi dus na rjes 'brel gyi dbang gis bla slob 'brel ba'i go skabs bcod pa na de ma thag khong gis gser skyems kyi gtang rag bcas bsrung ma de gshegs gsol mdzad nas thugs rje'i lcags kyis legs bzung gi ngang nas zab lam 'pho lung gis gshin gyi rnam shes gnas bzang du spar bar byas pa'i mdzad sgo yang gnang |
yang bud khang mda'i bla ma bsod grags pa bsnyung nad kyis zin dus khong gi sku mdun du 'ong ste 'chi kha'i gdams pa gang dgos kyang stsal te phyis su bla ma de sku gshegs ma thag nas rnam shes nyid kyi sku mdun du slebs pa yang dag ji bzhin gyi lam legs par bstan te thar pa bde gnas su byon par mdzad la | yang phyis shig na gtsang sde'i dge rgyam zer ba khong la re bcol bcas kyis shi song ba bar srid kyi dus su khong gi drung du bar ma do'i srid pa'i gzugs kyis phyin pa rnam shes 'pho lung gi sbyor bas gnas bde bar do'i rnam par shes pa spar ba'i lo rgyus yang yod | yang skabs shig tu shos mda'i mang dge bla ma skom grags sku grongs pas bar srid du sngon gzugs ser chas gyon pa'i cha byad kyis khong gi mdun du gus 'dud dang bcas 'ong ba la lam gyi gdams pa stsal te bar srid pa des 'dzi yul gyi gzhung brgyud de mu rdi'i lung pa nas rim pas song ste lung phug tu chos rje'i 'brog ri mi khyim gsum rim par bsgrig pa las gong ma gnyis kyi khyim du skye gnas 'tshol yang ma rnyed la mi khyim 'og mar skye srid 'dzin pa'i las dang ldan te phyi ma'i skye ba grwa btsun bslab gtsang zhig tu gyur skad | yang phyis shig na shu mda'i mi rgod rgad po shi ba'i khrus chog khong gis mdzad skabs bar srid kyi rnam shes sngo gzugs lta bu'i rnam par bzung pa lam sbyang bstan gyi dus su gnas khyad par bar spar ba sku mdun slob bu 'ga'i thugs snang du mngon gsal gyis mthong ba sogs gshin po 'dren pa'i lo rgyus khyad par can mang du yod la | phyis su gnas skabs shig la 'dzi srib dgon gyi rdo rje slob dpon skyabs rje zla ba grags pa dag zhing du phebs skabs zhe dgu'i ring thugs slob dag gi mchod pa'i yul du 'jig rten 'dir ji ltar bzhugs tshul dang rnam par 'phrul ba'i bkod pa sna tshogs pas 'gro khams 'dul ba'i thabs tshul sogs ji bzhin sku dngos bzhugs par mjal phrad mdzad pa dang khyad par med pa'i tshul khong nyid kyi thugs mngon shes kyis legs gzigs mdzad pa dang khyad par med pa'i tshul du khong nyid thugs mngon shes kyis legs gzigs mdzad pa'i lo rgyus ngo mtshar ba'ang mang por gda' | 'di dag gong 'og tshul phyogs gcig tu bsdus pa tsam yin gyi dgung grangs 'di skor du nges pa'i lo rgyus ma yin |