[A:484] 'du khang du phebs te gang gis bla chen 'dus pa mang pola nyid kyis mdzad pa'i sbyor drug spyi don gyi bshad khrid rgyas pa gnang dus dam pa 'di nyid kyis ji bzhin gsan nas khrid bshad sbyang gi tshul du gzhan dag la gsal 'debs khyad par mdzad | spyir yang dam pa mchog 'di nyid kyis 'ba' mda' 'jam pa'i dbyangs dngos kyi mdun du nyid kyis mdzad pa'i bsdus grwa lan gnyis dang phar Tika chung ba lan gcig tsam las gsan rgya cher ma mdzad na'ang de mtshams nas thugs slob thun mong sgra tshad gso spyad snyan ngag rtsis skor sogs dang thun min dbu phar mngon 'dul dang rgyud sde bzhi'i sngags rim gyi zab gnad bcas mdo sngags kyi gzhung kugs rgya mtsho lta bu la rno gsal zab rgyas kyi shes rab zla dang bral ba sgo thams cad nas yongs su rgyas shing lung dang rigs smra ba'i dbang phyug che ba'i rtser son zhing khang gis der bzhugs rang dang lhan cig pa'i chos grogs kun la dka' ngal gang la mi 'dzem par gzhung lugs kyi go don legs slob dpe don snan tshogs pa'i sgo nas mched grogs gzhan dag gis chos don khong du ma chud kyi bar yang yang nyinmtshan kun tu gshar sbyang gi grogs dan legs nges mdzad cing nyid kyis chos grogs gzhan zas gos kyis phongs pa dag la rang gi zas gos rnams ster nas rang nyid kyi na srog 'tsho tsam gyi zas gos ngan pa la brten nas bzhugs bzhin chos grogs phan tshun la brtse sems thugs mthun gyis las g.yog gang dgos tshun kyang byed cing khong la nga rgyal sogs khengs dreg gi thugs snang lta ci kun las dman pa bzung nas mched grogs thams cad la sgo kun nas brtsi bkur snying nye ba mdzad pa'i rgyal ba'i sras kyi ngang tshul legs par bzung bas khong la grogs dag gis gces ming du tshogs li g.yang mi zhes pa'i mtshan yang 'dogs par byed la | rje 'jam mgon bla ma mchog gis yang thugs sras slob bu 'di nyid skal ldan mchog tu gzigs te sgo gang thad nas bka' bkyon dang sma dbab kyi gsung tshig brling po ches sgam pos slob bu dam pa'i thugs rgyud yang yang llegs 'dul mdzad skabs de lugs ji bzhin slob mas kyang khong du chud nas rje bla ma nyid sangs rgyas kun 'dus kyi 'jam dpaldngos byon du sems thag chod nas bla ma'i mdzad pa thams cad la mos gus dag snang 'ba' zhig gi sgo nas deng dus la ltos na chos 'phags rtag dus bla mar bsten pa la 'gran 'os tsam gyi dge ba'i bshes gnyen mchog de kha zhe gnyis med kyis sgo gsum gang thad nas spyi bo'i gtsug gis legs bkur che ba dang bcas bka' drin gzhal du med pa mi shigs thugs kyi klong du yang yang nye bar bcings pa ste | rjes sor gang nyid kyis mdzad pa'i gshin rje'i gshed kyi dbang chog bkrol ma las | blo gros myu gu gsar pa'i dus skabs na | | byis pa'i rgud pa dang bral rigs lam brgyas | | blo bzang 'dab ma'i kho lag yongs rgyas pa | | thub bstan dge legs rgya mtsho'i bka' drin dran | | bshad dang sgrub pa'i gdams bzang yid bzhin gter | | stong gsum dpal gyis bkug kyang mi khug pa | | gang de lhug par stsal