[A:483] bung zhing | skabs rnams su thugs mi rtog pa la bzhugs skabs stong gzugs kyi thig le me long ltar dwangs shing gsal ba'i nang du dus kyi 'khor lo'i drug gi lha tshogs yongs rdzogs rang sems dang gnyis med kyi tshul du dus dus su legs par gzigs pa sogs kyi rtags mtshan mnga' la | de lta bu'i tshul gyi lo gsum sogs gong ma'i phyag bzhes bzhin sbyor drug nyams len gnad khel khong nyid kyis mdzad cing |
dgung lo bco brgyad sogs nas lha bzo rdo rje 'chang gi mdun du snga rje ci rigs rnams la | 'byung 'dul | rta mgrin | 'jigs byed | rnal 'byor ma sogs bskyed rim du ma lo 'ga' zhig bar khong gis bsnyen tshad mdzad skabs rnal 'byor ma sogs la lha'i gsal snang ches brtan pa sogs myong rtags kyang mang po byung |
dgung lo bcu dgu'i dus lha ri'i dben gnas su kun dga' mkhas grub dbang po'i mtshan gzhan ngag dbang don ldan zhabs pa'i drung nas kun mkhyen dol po'i bka' 'bum yongs rdzogs kyi bklag lung khong gis gsan zhing | de yan du rje lha bzo rdo rje 'chang gi mdun nas dus 'khor dbang chen dang | rnal 'byor ma sogs yi dam mang po'i zab dbang dang lung khrid ches mang zhig gsan la nyid dgung lo nyi shu'i skabs lha bzo rdo rje 'chang gi gzugs sku chos dbyings su thim pa yin no | | de skor las sngon ci rigs zhig tu khong gi rmi lam skabs lha bzo rdo rje 'chang gis khong khrid de byon pa na spang ljongs nags tshal khang bzang dang bcas pa'i dbus su khri bzang po'i steng na thub bstan dge legs rgya mtsho sku gzi mdangs dang bcas legs bzhugs mdzad pa'i sku drung du phyin nas khong la rigs kyi bu nyid thugs slob tu lha bzo rdo rje 'chang gis legs gtad mdzad pa na rje bla ma dge legs rgya mtshos rang gi mdun nas mthing shog la gser gyi yi ge legs bris byas pa zhig nye bar gnang ba'i rmi nyams byung ba ltar sngon las kyi 'phro zab mos legs par sbrel ba'i mthu dus su smin pa ste | de yang sngon dgung lo nyi shu la nye skabs tsam nas bzung dge 'phel ri khrod du thob bstan dge legs rgya mtsho'i drung du klog pa thos bsam gyi 'go tshugs nas nyid kyis mdzad pa'i bsdus grwa spyi zur sogs snga phyir lo gsum gsum du lan gnyis bslab sbyang brtson pa drag po nan tan mdzad pas rigs pa'i gzhung lugs la blo gros kun nas rgyas shing rtogs dka'i gnad 'gag mang po la thugs nges zab mo 'khrungs te mdo dang sngags kyi gzhung lugs la go ba phul byung gi chos kyi yin lugs mkhyen pa'i rang shed nye bar rdzogs pa'i dus na rje bla ma nyid kyis mdzad pa'i mngon rgyan Tika yum don gsal ba'i me long la slob gnyer shar rgyu tsam byas pas gzhung don la go ba phan sum tshogs par gyur |
de mtshams dgung lo nyer bzhi'i skabs rje thub bstan dge legs rgya mtsho 'dzam thang gtsang pa'i