[A:489] par can zung 'brel du mnga' ba'i nges pa don gyi skyes chen yin tshul | ji skad du | 'phags bod gzhung brgya'i thos don yongs rdzogs shing | | dri med rigs pas dgongs don gting dpog ste | | rtse gcig sgom dang 'chad pa'i gzungs spobs can | | nges don bshes gnyen dam pa zhabs brtan shog | | ces dang | yang rje gang gis phyi nang gi grub mtha' phyi dang khyad par 'khor lo gsum gyis bstan don rgyal tshab byams pa dang 'phags pa klu sgrub rnam gnyis kyis ji skad bkral ba ltar phan tshun dgongs pa 'gal med kyi tshul du rang stobs kyis lung rigs yang dag gi lam nas ji bzhin 'chad pa la thugs kyi spobs pa mchog nges par brnyes tshul | ji skad du | phra rags grub mtha'i them skas yongs rdzogs te | | mtha' bral byams klu'i dgongs pa ro gcig tu | | gzhan dring mi 'jog rigs pa'i gad rgyangs kyis | | smra ba'i seng ge'i bu brgyud dar gyur cig | | ces dang | yang dam pa nyid kyis phyi 'dzin rten khams dang nang rtsa rlung thig le gzhi lam 'bras gsum dag pa ro mnyam chen po'i bdag nyid bde stong zung 'jug gi dus 'khor lo drug brgya so drug gi rnams stong gzugs sgyu ma'i ngo bor ji skad du | phyi nang gzhan gsum dbyer med bde ba che | | stong gzugs dus kyi 'khor lo'i dgyes 'dzum zhal | | skal bzang gzigs mor bsgrub la ngo mtshar can | | rdo rje 'dzin pa'i thugs bzhed kun 'grub shog | | ces dang | rje khong gis kun mkhyen dol po'i lta grub kyi rang lugs de thun mong spyi'i 'dzin mtshams kyi steng nas phar phyin las lam mngon par rtogs pa brgyad gsungs pa'i zab mo'i lam gyi gnad dag gi 'gros dang sbyar te tshad ma sde bdun gyi rigs lam yang dag pas rnam shes blo rig gi khyad rtsal thon mdzad pa'i sgo nas phyi nang grub mtha'i dbye pa spyi dang bcas ji bzhin 'chad pa'i gzhan stong mthar 'dzin gdung 'phrog lta bu ni ches legs bshad rmad du byung ba yin tshul | ji skad du | rton bzhi ldan pa'i sgrub brgyud sa le sbram | | phar tshad lung rigs nor bu'i phra tshom gyis | | yongs gtams rmad byung rang lugs rin chen brgyas | | dpyod ldan yongs kyi snying la mdzes gyur cig | | ces sogs kyi che ba'i bsngags tshig khyad par du 'phags pa rang yul nang khul gyi phan tshun mthun gtam tsam du ma zad par bod ljongs kyi chos sde che ba nas gzhung lugs smra ba'i mgrin pa gzengs su mngon par mtho ba'i dge ba'i bshes gnyen gang gis mkhas pa'i gsung rab kyis thugs nye bar 'phrog pa'i ngang nas bstod 'os dus su babs te don dang mthun pa'i bsngags brjod rgyang ring yul nas dus su legs par stsal ba gang 'di ches ya mtshan gyi gnas zla dang nges par bral ba'o | |
gzhan yang rjes sor yang dam pa gang nyid la bod ljongs lha ldan phyogs nas a mdo dge bshes khong gis | dus 'khor bshad grwa'i rgyun 'dzugs thugs khur mdzad na cha rkyen gang thad nas khong nyid