[A:490] kyis mdzad sgo legs gnang gi bka' mchid 'bul ba yang slad mar nas byung ba sogs dpal ldan bla ma 'jam dpal gzhon nu dang rnam dbyer med pa gang nyid kyi mkhas pa dang grub pa'i mtshan gyi grags snyan dge legs sa chen yangs pa'i rgyan du legs gyur mdzad la | de lta bu'i rje bla ma gang nyid dgung lo nga gcig la slebs skor sogs su chos skyong nag po chen po'i zhal gzigs kyi lung bstan ltar ra 'ob skong sprul shug khrod du gzims spyil gsar brtsigs mdzad de | der khong nyid rgyun bzhugs lhur mdzad skabs su khong gis sku mdun du thugs slob kyi rim pa | a skyong ngang ba bla ma ngag bstan | (rdo'i grub chen spul sku'i yongs 'dzin) lam ko'i bla ma gsang sngags | mgar ba sprul sku rdor mchog | shug ca bla ma dge legs | rong ba bla ma rab ldan | chos rje'i bla ma chos 'grub | a skyong sprul sku bstan 'dzin rgya mtsho | 'dzi sribs dbon po phun tshogs | ka thog bla ma theg mchog | rgyal rong bla ma dkon rgyal | za la bla ma bde rgyam | thang skya bla ma ngag smon | ka thog bla ma mkhyen ldan | rdor ra bla ma blo chos sogs thos bsam gyis slob gnyer ba mang tsam yod pa dag la snga phyi ci rigs su | bsdus grwa spyi zur | phar phyin | mngon pa sogs gzhung chen du ma'i bshad khrid gnang ba dang chabs cig phar phyin dang mngon pa gnyis kyi zhib cha dang mtha' dpyod yig cha'ang gsar 'jog gi sgo nas gsung rtsom mdzad bzhin rim gnyis kyi rnal 'byor la nyams len kyang gzims khang nang dang sgo'i rwa ba'i nang sogs nges med rnams su ci dgar bzhugs te nang yang dag 'jog la nyam bzhag lhur len mdzad | snga gong zhig tu chos khrid kun lo re tsam bzhag nas thugs dam kho na la yang bzhugs | 'dir phyogs nas 'ong ba'i chos zhu ba rnams la blo sbyong | rtsis | bskyed rdzogs kyi khrid sogs gang dgos dag nyid nas legs par yid 'dod bzhin re ba'ang skong zhing | nyid mdun du 'ong ba'i slob bu mi bde bar nges pa dag khong gis sngon nas ji bzhin gzigs te 'ong du mi 'jug gal te ma nyan pa dag la mi bde ba mthong chos su byung la | nyid gar byon rnams chibs rta la mi bcibs pa dang | nyid kyis bsad sha gtan spangs dang gzhan yul sde la bshas khrims bsdam pa sogs gzhan gnod gzhi bcas spong ba lag len thebs nges mdzad cing | de skor ci rigs par gtsang pa'i gzims khang du 'ba' mda' bla ma'i gsung 'bum bklag lung bla ma mang pos res mos su gsung skabs khong der phebs te nyid kyis 'jam dbyangs dmar ser sa lugs khrid yig gi bklag lung thun pa bcas la gsung shing | 'ba' mda' bla ma'i gsung gi lam rim dang sgom rim sogs kyi par brko' bya ba'i mgo mtha' yang mdzad la | yang bar skabs nyid gtsang pa'i gzims khang du phebs skabs khong gis gdung yangs bla ma dang gzims khang thun pa bcas la dus 'khor bstod chen gyi bklag lung dang sems khrid bcas gsungs pa ste | de yang rje tAranAtha'i zhal snga nas | brjod bral 'di la ci zhig brten par bya | | zhes gsungs pa ltar rang sems gnyug ma gshis kyi ngo bo ji bzhin