[A:495] dgongs pa gcig nyid du nges tshul la zib bshad cig da lan byed 'dod che zhing | khyed cag gis kyang sems la dogs pa yod tshad legs par dris shig dang rang la dka' ngal ci yang med do | | ces sogs thugs dgyes pa'i bka' phebs ches mang zhig kyang legs stsal mdzad la | de'i phyi nyin tshes bco brgyad kyi nyi ma'i phyed yol tsam na nyid sku seng ge'i nyal stabs kyi ngang nas spyan gnyis thad kar gzigs bzhin hig sgra dang bcas dgongs pa chos dbyings su legs bsdus mdzad do | |
'dir dgung lo re gcig gi skabs yin kyang zla lhag bcas brtsis na re gnyis su son chog pa'i tshul gyis nyid sku gshegs so | | a gter dpa' bo chos dbyings rdo rje'i 'od gsal mkha' 'gro'i brda lung las | drug gi gnyis la 'tshubs ma g.yo | | rlung des bskyod pa'i ba dan bsgyur | | zhes pa don thog tu khel ba byung | de ltar sku bkrag mdangs bcas zhag gsum la thugs dam du bzhugs rjes su dgongs grol gyi rtags sku'i mdangs nyams pa dang nam mkha' la 'ja' sprin 'khor mo yug gzims khang steng du 'khor ba sogs kyi dge mtshan mngon par byung zhing | de lugs bzhin gyi thugs dam bkrol mkhan gtsang pa'i gzims khang rdo rje slob dpon bla ma rdor bzang zhabs dang | gzhan yang thugs kyi slob chen dag 'dus te gang dag gis sku gdung la longs sku'i chas dbu rgyan dang chos gos nye bar gsol nas zhag lnga phrag lhag la dgongs mchod rgya che ba mdzad skabs 'dzam thang sogs 'dzi stod smad kyi dgon grwa so so nas rdo rje slob dpon gang bzhugs chos thun gyi slob ma yongs rdzogs bcas dang chos gtsang gi bla sprul che dgu yul gyi 'dus sde ches mang kun nas 'du ba'i ngos nas bsod nams bsags sgo mi dman pa legs bgyis kyi rjes su sku gdung rin po che'i phung po de nyid ser 'phreng sogs mchod bkod ya mtshan pas gdung khang du spyan drangs nas zhugs mchod legs 'bul gyi dus su nam mkhar nyi ma gnyis pa lta bu'i 'od kor ches gsal po dang | phyogs thams cad nas 'ja' sne mtha' yas ri khrod du zug pa dang | khyad par ri khrod de'i steng gi nam mkha' nas byang lam su brgyud de 'ja' zer dkar po'i lam dar dkar yug ma lta bu'i byang nas byang thams cad du dar lam bzhin brkyangs te 'ja' zer sna tshogs pa'i 'od kor ches mang pos kun nas mdzes pa skye 'gro gang dag gi mthong ba'i chos su gyur tshe yul gru yangs pa'i sa chen dag na gnas pa'i skye bo rgan pa rnams kyis kyang snang ba ches ha las shing yid gting nas 'gyur bzhin rgan pa mang dag gis snga na 'di 'dra ba'i legs mtshan mthong ma myong | zhes pa'i snang ba ha las pa'i tshig kha nas dbang med du shor ba sogs kun gyis ngo mtshar gleng mo nye bar sgrog cing | rje bla ma nyid byang phyogs ka lA pa'i sngags kyi zhing mchog tu dngos legs byon gyi rtags mtshan lnga ldan 'ja' zer thig le'i 'od dkar gyi lam ches gsal ngo mtshar ba der gnas skye dgu dag gi dbang po'i spyod yul du mthun snang nges par bkra ba ste | a gter gyi 'od gsal mkha' 'gro'i brda lung las | lnga