[A:494] lo nye bar tshes te 'di skor bar bar rnams su khong gis zhal zas kyi bya ba mdzad skabs zas phud kyis yi dam rdo rje gzhon nu khro bcu la 'bul gtor re yang phul nas mthar gtor ma de dag khong gis zhal du gsol ba mdzad cing nyid yi dam lhag pa'i lha dang gnyis su med pa'i mdzad sgo yang gnang la | de mtshams shig nas rje gang gis dam can chos kyi rgyal po la mchod chog gsung rtsom dang bcas de phan chad yi dam 'khor bcas dang dam can chos rgyal bcas la gsol mchod kyang bar bar mdzad kyin 'dug cing | lo de'i zla ba gnyis gsum tsam nas nyid kyi zhabs rkang cung tsam bsnyung ba na thugs slob dag gis zhabs brtan sman rim gro sgo kun nas cher rgyas dgos tshul nan zhus phul kyang | | khong gis de lugs kyi rgya bskyed pa ma gnang zhing | 'di skor sku mdun du rgyem bla ma dpon slob mjal du phebs kyang rje bla ma mchog gis zhal gdams kyi bka' mchid nyung gsal gyi skyes gnang mdzad pa tsam las dngos su zhal mjal ma byung na'ang rgyem bla ma rje dam pa'i gzims khang sgo nas thugs yid dbyer med kyis gsol ba zhag gcig la btab pas rgyem bla ma rang gis thugs nyams su kun rdzob gzugs sku'i bla ma mjal kyang don dam chos sku'i bla ma dngos mjal gyi dag snang che ba'i nyams myong gi 'char sgo ches cher rgyas pa byung | 'di skabs su ri khrod du bzhugs pa'i slob tshogs thams cad la khong gis dngos rdzas gang yod kyis kun rig dang mi 'khrugs pa'i cho ga 'don pa'i yon bcos kyis rgyu rdzas gtsang dag mdzad la | de nas nyid sku gzims mal du mnyam bzhag yang dag 'jog gi bzhugs tshul gyis zhag 'gar song ba na | khong gi bka' las | dga' ldan gyi pho brang yid dga' chos 'dzin 'di ya mtshan che mod de 'on kyang 'di las ya mtshan che ba ni nub phyogs bde chen zhing gi bkod pa pho brang sogs de yin no | | zhes gsungs nas sku drang por bsrang bzhin spyan zum pa'i ngang nas dar cig la g.yo med du bzhugs pa dang | yang bar bar slob tshogs la lugs gnyis kyi 'gro tshul gang thad nas 'di 'dra dgos lugs kyi gsung zur zhal ta'i rnam pa du ma re dang | da ni dus shin tu snyigs mar song gshis sngar gyi dmag 'khrugs lta bu re slar yang shar na bzod mi thub pa zhig 'ong bas de 'dra ma byung gong nas rang yang shi thub na dga' 'am snyam pa yod | rang 'chi la nye yang sngar chos rnam dag ci 'grub mi 'dug kyang da 'chi khar 'gyod rgyu ni gang yang med | ces sogs nyid kyis gzugs sku yun ring mi bzhugs pa'i gsung zur kyang yang yang byung |
de nas lo de nyid kyi hor zla drug pa'i tshes bcu bdun nyid nangs snga mor nged cag sku mdun du song ba la nyid kyi zhal snga nas | de ring ni kho bo'i blo gros shin tu gsal zhing gzhung lugs spyi dang khyad par tshad ma rnam 'grel skabs khyad par gzhan spong mi spong gi sgra'i thad la rje yab sras yig cha ba bzhi sogs mkhas pa snga phyis 'chad tshul 'dra min ci rigs byung ba yang don la slob dpon chos kyi grags pa'i