[A:497] ba'i ngang stong gzugs sems dang dbyer med du brtan zhing mngon shes kyis gzhan sems sogs lkog gyur gyi don du ma dang | rje bla ma gtsang pa dge slong rdo rje 'chang nyid kyi sngon byung sku phreng sna tshogs pa zhig ji bzhin gsal bar mkhyen pa dang | rmi lam 'od gsal ngang shambhala sogs zhing mang por phyin nas gdams ngag du ma legs nod mdzad pa sogs byung | srog rtsol skabs rang lus 'od kyi gong bu dang dus 'khor sogs su shar zhing las rlung dbu mar zhugs nas gum mo 'bar 'dzag gi snang ba dang rdo rje'i ye shes 'bebs shing 'khrul 'khor phyag rgya sgra skad sna tshogs rang shugs kyi byung ba dang | 'dzin pa'i skabs lus kyi rtsa mdud phal cher grol zhing thig le dbab bzlog bgram gsum ji bzhin gyi ngang nas dga' bzhi'i ye shes mtshan nyid pa rgyud las bstan pa ltar thugs nyams su 'khrungs shing rgya bod grub chen dag gi zhal gzigs kyis lus sbyong phyag rgya nor ba legs bcos kyis 'khrul 'khor rtsa 'grel la mchan bu yang dam pa 'di nyid kyi'ang gzigs snang bzhin gong ma dag gis mdzad la | rjes dran skabs dam pa 'dis nyams snang du byung ba ltar 'dug stangs gsar pa zhig rang stobs kyi sgo nas mdzad 'dug pa rjes sor phyogs rgyal sbyor drug na ji bzhin yod pas 'dir khrid yig spar la chad pa slar bsab mdzad |
de rjes tsam na dam pa 'di nyid la gnas lugs kyi gshis lhag par gsal ba'i nyams rtogs gting zab pa zhig skyes tshe dge slong rdo rje 'chang gis de lugs kyi ngo ji bzhin 'phrod dka' bar gyur nas sde dge dpal spungs su kong sprul bzhugs pa'i drung du byon par chas tshe nub cig rje btsun tAranAtha'i zhal gzigs kyis ye shes chen po'i dbang bskur dang nyams len gnad kyi ngo sprod mdzad pas rang gi nyams rtogs la thugs thag chod cing | de phan zhig nas rje btsun rin po che dang | paN grub ye shes kyi mkha' 'gro ma du ma dang | sangs rgyas byang sems mtha' klas pa'i snang ba dang | khyad par 'phags ma sgrol ma la thugs dam mdzad pas nam yang g.yel med kyi gzigs snang dang | ye shes kyi chos skyong gur gtso 'khor | phyag drug | drakSad | dur khrod bdag po | tshe ring mched lnga sogs bran gyi tshul du yod la | dus dus su rje bla ma nyid khong gi thugs snang ngor thub pa'i dbang po | rdo rje 'chang | dus 'khor | bde mchog sogs rgyud sde so so'i dkyil 'khor gyi gtso bo nyid du mthong zhing | bar bar tshes bcus bzhengs pa'i mchod rten las 'od zer phyogs bcur 'phro ba'i snang ba dang | rigs drug gi gnas ris so sor mthong ba sogs dag ma dag gi snang ba 'byams klas pa'i rkyen gyis thugs la nges 'byung dang snying rje byang chub kyi sems sogs sgo kun nas rang shugs kyis cher 'phel ba dang | sems can thams cad la de bzhin gshegs pa'i snying po ye nas bzhugs pa ji bzhin nyams myong gis gsal kha nges par che ba sogs lam la myong rtags khyad par can du ma thugs nyams su 'khrungs la | khong nyid skabs gong 'og ci rigs par rdzogs chen dpal sprul dang mjal phrad byung bas rtogs 'bul legs zhus