[A:498] kyi tshe dpal sprul nas khrid yig dang mthun tshul gyi gzengs bstod dang ngo sprod legs nges kyi thugs dgyes chen po yi rang mdzad | rje bla ma rin po che gtsang pa dge slong gis mkhan po mdzad nas dge 'dun grangs tshang gi mdun du dam pa 'dis bsnyen rdzogs kyang zhus |
de phyis shig tu rang gnas yar thang du gtsang pa dge slong byon nas de'i mdun nas dam pa 'dis 'dus pa mang po dang lhan cig dus 'khor dbang chen | rgyud sde de nyid lnga pa'i zab dbang | phur pa bdud 'joms rol pa'i stod las dang | smad las kyi dbang bskur sogs chos bka' ches mang yang gsan | mtshams shig na khong la snang srid dag pa rab 'byams kyi snang ba 'ba' zhig tu gyur cing | nyid kyis a skyong khag gsum la thugs snang du ri bo gsum gyi rtser 'khri shing dar sna bcas re dang rtsa bar 'dab chags sogs kyis bskor ba la 'phel 'grib mang nyung gis thugs brtag bzhin gyi lung bstan 'dra min so sor gsungs pa rnams rjes sor ji bzhin thog tu khel la | yang thang cig tu mched grogs yon tan zhes pas 'pho ba sbyangs skabs bar chad rkyen gyis glo bur du dbugs chad pa khong nyid kyis sngags dang phyag rgya ting nge 'dzin gyi stobs zab mos mched grogs de nyid slar sos par mdzad cing rje 'di nyid rje btsun tAranAtha'i slob chen rgyal tshab rin chen rgya mtsho'am snar thang grub chen ratnasamudra'i yang srid du nyid kyis zhal bzhes nges par mdzad la | de rjes su dus skabs ci rigs su khong gi rmi lam 'od gsal du skyabs rje dam pas phyag nas chos dung zhig gnang ste | zhal nas | 'di khyod kyi nyar tshags kyis la nam zhig dus la babs tshe kun gyi rna lam du sgra legs sgrog mdzod cig | ces gsung ba'i thugs nyams ltar sku tshe'i dkyil tsam nas nyid kyis gzhan gdul bya rjes bzung gi mdzad pa gnang ste rang gnas dgon sogs kyi 'dus pa snga phyi mang po la rang rang dang 'tsham pa'i chos bka' spyi dang khyad par rang lugs dus kyi 'khor lo'i rim gnyis kyi chos skor gtso bor gyur pa'i zab bka' gang dgos thams cad nye bar stsal ngos nas rang dgon du sbyor drug gi chos tshan snga phyi mang po yod pa sogs dgon so so la'ang de lugs ltar chos kyi 'grel zab kyis legs bskyang mdzad pa'ang ci rigs pa re yod cing | de dag skabs snga phyi ci rigs par mgo log phyogs nas a mkhar bla ma sogs dang khang rgan sang bla ma ngag dar sogs dang | 'dzi stod phyogs nas sgang ba bla ma bde legs sogs sgrub po rnal 'byor pa'i slob chen yang ches mang byung zing | khong la nyin cig ye shes mkha' 'gro'i rnam par rol pa bud med cig gis mda' dar dmar po zhig nye bar stsal te de'i zhal nas | khyod kyis dbang du 'dus pa gang dag la mda' dar 'di g.yob par mdzod cig dang de kun dbang du 'du bar 'gyur ro | | zhes gsungs ba'i thugs snang byung ba ltar dam pa rje 'di nyid kyis gdul bya la 'gro phan rgya che ba'i sgo nas dgon sde'i zhal bdag du ma mdzad pa dang sa skyong mi dbang phal che ba gus 'dud snying gi gting nas zhabs la gtugs