[A:502] mdzad la | 'di skor dgon de'i dus 'tshogs yang smon lam dang | mgon po'i bskang gsol | drug mchod sogs de 'dra 'ga' re yang lo dus su yod |
dgung lo nga brgyad skor sogs su khong nyid yar thang dgon du dbyar gnas kyi mkhan por bzhugs shing | de'i phyi lo tsam nas khong gis mkhan po mdzad de rang dgon mdo sngags bshad sgrub gling du'ang dbyar gnas bslab pa yongs sbyor gi dbu nye bar tshugs shing | dbyar gnas tshugs lo 'di la phyogs nas byon pa'i skyes chen gyang sprul rin po che dang | 'gya ba bla ma rnam dag | rdo sprul | kyi lang sprul sku sogs bla grwa bzhi bcu lhag tsam 'dus la | de skabs su rje dam pas 'dus pa mang po la dus 'khor mchog dbang | mgon po phyag drug pa'i dbang sogs jo nang rang lugs kyi chos bka' ci rigs pa gsung skabs mchog dbang nyin bum chu bum pa'i gang tsam gyis 'dus pa che mang la 'gyed kyang bum chu ma zad pa'i dge mtshan kyang byung | de skabs khong gis gyang sprul gyi mdun nas sku gsum cho ga'i dbang dang | 'gya ba bla ma rnam dag gi mdun du zhi khro'i dbang yang gsan no | |
rje dam pa gang gis chos skyong la gtor chog gsung skabs gsol rnga'i ngos la lha chen khyab 'jug chen po me stag dang me dpung gi rnam pa 'jigs zil bzod dka' ba nye gnas dag gis mthong ba'i chos su gyur pa'ang bar skabs la byung zhing | yang nyid cig khong gi mtshal bum rkun mas khyer ba rku mkhan su yin dang skungs gnas ga 'dra yin sogs ji bzhin thugs kyis mkhyen pa sogs lkog gyur gyi gnas gsal bar gzigs pa'i lo rgyus kyang ci rigs yod | yang nyin cig tu khong gi sku mdun du smra phyogs kyi rgyal gdon 'ong ba la rje nyid kyis ji bzhin thugs kyis mkhyen te skad cig de nyid la khong dbang chen rta mgrin du bskyed pa na rgyal gdon khong kyang de bzhin gyi lhar bskyed 'dug pas de la phan pa ma byung skabs rje dam pas dge sdug gtong len gyi dmigs pa'i sgo nas gnod byed de la snying rje cher skyes pa na de ma thag rgyal gdon de nyid rgyang ring du bkyed nas lus dkar por gyur bzhin phyin chad khos gnod pa mi byed pa'i dam bca' yang phul | yang re zhig gi tshe khong nyid gser gzhung du phebs skabs gser 'dzom phyug mo ma dga' ba'i phrag dog gis glo bur du nyid kyi steng la gnam lcags zhun ma'i me mtshon ngar ma phabs kyang khong dang chibs rta bcas la gnod pa spu tsam ma nus skad | de rjes shig tu shar 'khor bla ma tshul rnam sku snyun gyis thebs skabs rim gro gzhan gang gis phan thogs ma byung tshe bla ma bsnyung nad kyis zin pa nyid kyi zhal gsung nan ngo ma bzlog pas rje dam pa 'di der byon dgos byung bas bla ma'i bsnyung gzhi'i rkyen ji bzhin ngo bzung ste gegs bsal rje nyid kyis mdzad pas bla ma tshul rnam snyung las legs par grol zhing de la 'bum cha tshang gi yon 'bul dga' ston che rab kyang byas |
spyir na dam pa gang gis gshin chog la 'pho ba byas tshe gtsug gi skra rnams ro mgo'i mar me yod